પરિવાર સાથે માતાજીના દર્શન કર્યા
અક્ષર પટેલે માતા-પિતા, પત્ની અને પુત્ર સાથે અંબાજી મંદિરમાં માતાજીના દર્શન કર્યા હતા. પરિવાર સાથે તેમણે શ્રદ્ધાપૂર્વક પૂજા-અર્ચના કરી હતી. અંબાજી મંદિર પહોંચેલા ક્રિકેટરનો પરિવાર પણ ધાર્મિક માહોલમાં જોડાયો હતો. દર્શન દરમિયાન મંદિર પરિસરમાં ભક્તિપૂર્ણ વાતાવરણ જોવા મળ્યું હતું.
મહારાજે ચુંદડી ઓઢાડી આશીર્વાદ આપ્યા
માતાજીના દર્શન બાદ અક્ષર પટેલને મહારાજ દ્વારા ચુંદડી સાથે આશીર્વાદ આપવામાં આવ્યા હતા. આ દરમિયાન તેમણે મંદિરની પરંપરાગત ધાર્મિક વિધિમાં ભાગ લીધો હતો. અક્ષર પટેલે ભક્તિભાવ સાથે માતાજીના આશીર્વાદ મેળવ્યા હતા.
શ્રી યંત્ર અને ભૈરવજી મંદિરના પણ દર્શન
અક્ષર પટેલે માત્ર મુખ્ય મંદિરના દર્શન જ નહીં, પરંતુ અંબાજી મંદિર પરિસરમાં આવેલા શ્રી યંત્ર અને ભૈરવજી મંદિરના પણ દર્શન કર્યા હતા. આ દરમિયાન તેમણે વિવિધ ધાર્મિક સ્થળોએ પૂજા કરી હતી અને આશીર્વાદ મેળવ્યા હતા.
ભટ્ટજી મહારાજની ગાદી પર આશીર્વાદ લીધા
મુલાકાત દરમિયાન અક્ષર પટેલે ભટ્ટજી મહારાજની ગાદી પર પણ આશીર્વાદ લીધા હતા. પરિવાર સાથે તેમણે ધાર્મિક પરંપરા મુજબ આશીર્વાદ મેળવી માતાજી પ્રત્યે પોતાની શ્રદ્ધા વ્યક્ત કરી હતી.
પ્રશંસકોમાં જોવા મળ્યો ઉત્સાહ
અક્ષર પટેલ અંબાજી પહોંચ્યાની જાણ થતાં જ તેમના પ્રશંસકોમાં ઉત્સાહ જોવા મળ્યો હતો. દર્શન બાદ અનેક પ્રશંસકોએ ક્રિકેટર સાથે ફોટોગ્રાફ પડાવવાની ઈચ્છા વ્યક્ત કરી હતી. અક્ષર પટેલે પણ પ્રશંસકો સાથે ફોટા પડાવ્યા હતા. અંબાજીની આ મુલાકાત દરમિયાન ક્રિકેટરનો ધાર્મિક અને પરિવાર સાથેનો અંદાજ જોવા મળ્યો હતો.
આ પણ વાંચોઃ Dakor: ડાકોરમાં નોન-વેજ વેચાણ પર કાયમી પ્રતિબંધની માગ, દંડી સ્વામીએ પ્રાંત અધિકારીને લખ્યો પત્ર
