અંબાજીના પેટ્રોલ પંપ પર ગોઝારો અકસ્માત: કાર ખાટલા સાથે અથડાતાં ટેન્કર ચાલકનું મોત

ખાટલા પર બેઠેલા ટેન્કર ચાલકને કારે કચડ્યા

મળતી માહિતી અનુસાર, અંબાજી સ્થિત સીએનજી સીજીડી (CGD) પેટ્રોલ પંપ પર આ જીવલેણ બનાવ બન્યો હતો. ઘટના સમયે સીએનજી ટેન્કરના ચાલક રાજેન્દ્રસિંહ પરમાર (Rajendrasinh Parmar) પંપ પરિસરમાં મુકેલા ખાટલા પર બેઠા હતા. તે સમયે સીએનજી ભરાવવા માટે આવેલી એક કારના ચાલકે અચાનક વાહન પરથી કાબૂ ગુમાવ્યો હતો અને કાર સીધી ખાટલા સાથે જઈ અથડાઈ હતી.

મૃતકના પુત્રની ફરિયાદના આધારે કાર ચાલકની અટકાયત

અકસ્માત એટલો ગંભીર હતો કે રાજેન્દ્રસિંહ પરમારને ગંભીર ઈજાઓ પહોંચતાં તેમનું કરુણ મોત નીપજ્યું હતું. બનાવની જાણ થતાં જ પોલીસ કાફલો ઘટનાસ્થળે દોડી આવ્યો હતો. આ મામલે મૃતકના પુત્રની ફરિયાદના આધારે પોલીસે ગુનો નોંધ્યો છે.

પોલીસે આગળની કાર્યવાહી હાથ ધરી

અંબાજી પોલીસે ગુનો નોંધીને અકસ્માત સર્જનાર કાર ચાલકની અટકાયત કરી લીધી છે. પેટ્રોલ પંપ પર બનેલી આ સમગ્ર દુર્ઘટનાના સીસીટીવી (CCTV) ફૂટેજ અને અન્ય પુરાવાઓના આધારે પોલીસે કાયદેસરની તપાસ ચાલુ કરી છે.

આ પણ વાંચો: સુરતમાં પ્રતિબંધિત કફ સિરપના કાળા કારોબારનો પર્દાફાશ: એકની ધરપકડ, કોડીન સિરપ સાથે એકની ધરપકડ, બે વોન્ટેડ