Banaskantha Danta accident: દાંતા થયેલા અકસ્માતનો Live video, લોકોથી ઠસોઠસ ભરેલી જીપ થઈ હતી બેકાબૂ!

દાંતા અકસ્માતનો લાઈવ વીડિયો વાયરલ

બનાસકાંઠાના દાંતા તાલુકામાં ગઈકાલે (મંગળવાર) સર્જાયેલા માર્ગ અકસ્માતનો લાઈવ વીડિયો સોશિયલ મીડિયા પર સામે આવ્યો છે. આ વીડિયોમાં સ્પષ્ટ દેખાય છે કે, બેદરકારી કેવી રીતે મોતને નોતરે છે. પીપળાવાળીવાવની જીપ રોડ પર બેકાબૂ બની હતી. આ જીપે સૌપ્રથમ એક બાઈકને જોરદાર ટક્કર મારી હતી. ત્યારબાદ આ જીપ નજીકમાં આવેલા પિકઅપ સ્ટેન્ડ સાથે અથડાઈને અંદર ઘૂસી ગઈ હતી. આ ભયાનક અકસ્માતમાં 2 લોકોના મોત નિપજ્યા હતા, જ્યારે અન્ય 8 લોકો ગંભીર રીતે ઈજાગ્રસ્ત થતા હોસ્પિટલમાં દાખલ કરવામાં આવ્યા હતા.

જોખમી સવારી અને મોતનો ખેલ

અકસ્માત સર્જાયા તે પહેલા રાજસ્થાનના પાબા ગામથી લગ્નની જાન લઈને જતી જીપોનો કાફલો પસાર થતો હતો. આ વાહનોમાં લોકો જોખમી રીતે જીપની છત ઉપર બેસીને મુસાફરી કરી રહ્યા હતા. બીજી એક લગ્નની જીપે પણ અગાઉ સંતુલન ગુમાવ્યું હતું, જેમાં ઘણા લોકો સવાર હતા. સદનસીબે તે જીપનો અકસ્માત ટળી ગયો હતો, પરંતુ અન્ય જીપે ગંભીર અકસ્માત નોતર્યો હતો. આ જોખમી સવારી અને વાહન ચાલકોની લાપરવાહીને કારણે અનેક લોકોના જીવ જોખમમાં મુકાયા હતા.

 

View this post on Instagram

 

A post shared by Gujarat First (@gujaratfirst)

પિકઅપ સ્ટેન્ડમાં જીપ ફસાઈ જતાં અરેરાટી

બાઈક સાથે અથડાયા બાદ બેકાબૂ જીપ સીધી પિકઅપ સ્ટેન્ડની છત નીચે જઈને દબાઈ ગઈ હતી. અકસ્માતનો વીડિયો જોતા લાગે છે કે, ઘટના કેટલી વિકરાળ હતી. સ્ટેન્ડની છત જીપની ઉપર આવી જતાં મુસાફરો અંદર જ ફસાઈ ગયા હતા. અકસ્માત બાદના વીડિયોમાં મુસાફરો જીપમાંથી નીચે ઉતરતા જોવા મળે છે. સ્થાનિક લોકોએ તાત્કાલિક ઘટનાસ્થળે દોડીને બચાવ કામગીરી હાથ ધરી હતી. આ સમગ્ર ઘટનાએ પંથકમાં ભારે શોકનું વાતાવરણ ઉભું કર્યું છે.

આ પણ વાંચો--- Rajkot News: ભૂવાના ચક્કરમાં કેન્સરની સારવાર બંધ કરી, પતિના મૃત્યુ બાદ સાસુ-નણંદે કરાવ્યું પત્નીનું મુંડન