Banaskantha : ડીસાના છત્રાલામાં ₹11.50 કરોડના વિકાસ કામોમાં ભ્રષ્ટાચારનો આક્ષેપ

Banaskantha : છત્રાલા ગામમાં 11.50 કરોડનું કૌભાંડ!

ઉલ્લેખનીય છે કે ડીસાના છત્રાલા ગામમાં છેલ્લા કેટલાક વર્ષોમાં ગટર લાઇન, પેવર બ્લોક, રોડ-રસ્તા અને શેડ બનાવવા માટે કરોડો રૂપિયાની સરકારી ગ્રાન્ટ ફાળવવામાં આવી હતી. જોકે આ તમામ કામોમાં ગુણવત્તા જળવાઈ ન હોવાના અને અધૂરા રાખવામાં આવ્યા હોવાના ગંભીર આક્ષેપો થઈ રહ્યા છે, જેનાથી ગ્રામજનોમાં ભારે આક્રોશ વ્યાપ્યો છે.

મહત્વનું છે કે ગુજરાત ફર્સ્ટની ટીમ દ્વારા ગામની વાસ્તવિક સ્થિતિ જાણવા રિયાલિટી ચેક કરવામાં આવ્યું હતું. ગામમાં પ્રવેશતા જ મુખ્ય ચોકમાં મોટા ખાડા અને કાદવથી ભરેલા રસ્તાઓ જોવા મળ્યા હતા. રબારીવાસ જેવા અનેક વિસ્તારોમાં કરોડોના ખર્ચના દાવાઓ વચ્ચે જમીની હકીકત તદ્દન અલગ અને દયનીય જોવા મળી હતી.

રોયલ્ટી ગ્રાન્ટના ખર્ચ સામે પણ ઉઠ્યા સવાલો

ભ્રષ્ટાચારના આ ગંભીર આક્ષેપો બાદ ડીસા તાલુકા વિકાસ અધિકારી દ્વારા તપાસ સમિતિની રચના કરવામાં આવી છે. આ વિશેષ ટીમ દ્વારા તમામ કામો, ખર્ચ અને રોયલ્ટી ગ્રાન્ટના સરકારી દસ્તાવેજોની ઝીણવટભરી ચકાસણી કરવામાં આવી રહી છે. તપાસ બાદ દોષિત અધિકારીઓ અને કોન્ટ્રાક્ટરો સામે કડક કાયદાકીય કાર્યવાહી કરવામાં આવશે.

આ પણ વાંચો : Gandhinagar News : અગરિયા સમુદાયના બાળકો માટે અનોખી પહેલ, સ્કૂલ ઓન વ્હીલ્સનું નાયબ મુખ્યમંત્રી હર્ષભાઈ સંઘવીએ કર્યું લોકાર્પણ