Banaskantha News: મંત્રી પ્રવીણભાઈ માળીના જન્મદિવસે ગ્રીન અભિયાન, ડીસાના ડાવસમાં રાજ્યના પ્રથમ 'મહા વન કવચ'નું લોન્ચિંગ

મેગા ગ્રીન મિશનનો પ્રારંભ

વડાપ્રધાન નરેન્દ્ર મોદીની જનસેવાના 12 વર્ષ પૂર્ણ થવા અને રાજ્યના વન અને પર્યાવરણ મંત્રી પ્રવીણભાઈ માળીના જન્મદિવસને 'ગ્રીન ડે' તરીકે ઉજવવામાં આવ્યો હતો. આ ખાસ અવસરે ડાવસ ગામે આયોજિત ભવ્ય કાર્યક્રમમાં બે લાખથી વધુ વૃક્ષોનું વાવેતર કરવાનો સંકલ્પ લેવામાં આવ્યો છે. આ વન કવચ માત્ર વૃક્ષારોપણ પૂરતું મર્યાદિત નહીં, પણ પર્યાવરણમાં સુધારો લાવવા માટેનું એક મોટું અભિયાન બની રહેશે.

મંત્રીની સાદગી બની ચર્ચાનો વિષય

આ કાર્યક્રમમાં પર્યાવરણ મંત્રી પ્રવીણભાઈ માળીની સાદગી સૌના આકર્ષણનું કેન્દ્ર બની હતી. મંત્રીશ્રીએ પોતાની સરકારી ગાડીને બદલે સામાન્ય નાગરિકોની જેમ સરકારી બસમાં મુસાફરી કરીને કાર્યક્રમ સ્થળ સુધી પહોંચીને સૌને આશ્ચર્યચકિત કરી દીધા હતા. તેમણે જાતે વૃક્ષારોપણ કરીને આ મહા અભિયાનનો શુભારંભ કરાવ્યો હતો.

આ પ્રસંગે વન વિભાગના ઉચ્ચ અધિકારીઓ, ભાજપના પદાધિકારીઓ અને સ્થાનિક ગ્રામજનોએ ઉત્સાહભેર ભાગ લીધો હતો. બનાસ નદીના કાંઠે આકાર પામનારું આ 'મહા વન કવચ' આખા રાજ્ય માટે પર્યાવરણ સંરક્ષણનું રોલ મોડેલ બની રહેશે.

આ પણ વાંચો:  Rajkot Jangleshwar Scam: 'ઉલટા ચોર કોતવાલને ડાંટે' જેવો ઘાટ, જંગલેશ્વર કૌભાંડ ઉજાગર કરનાર કર્મચારીને સજા આપવાની ભલામણ