Banaskantha: ડીસામાં SOGનું સફળ ઓપરેશન, કંસારી ટોલનાકાથી 5 લાખનું MD ડ્રગ્સ ઝડપાયું

Banaskantha: શું છે સમગ્ર ઘટના?

મળતી માહિતી મુજબ, SOGની ટીમને બાતમી મળી હતી કે કેટલાક શખ્સો નશીલા પદાર્થની હેરાફેરી કરી રહ્યા છે. આ બાતમીના આધારે પોલીસે કંસારી ટોલનાકા પાસે વોચ ગોઠવી હતી. દરમિયાન, શંકાસ્પદ રીતે પસાર થતા બે યુવકોને અટકાવીને તેમની પૂછપરછ અને તપાસ કરતા તેમની પાસેથી પ્રતિબંધિત MD ડ્રગ્સ મળી આવ્યું હતું.

બે આરોપીઓની ધરપકડ

પોલીસે આ મામલે જોગેશ ઠાકોર અને સાહિલ સોલંકી નામના બે યુવકોની અટકાયત કરી છે. તેમની પાસેથી મળી આવેલા ડ્રગ્સની અંદાજિત કિંમત 5 લાખ રૂપિયાથી વધુ હોવાનું મનાઈ રહ્યું છે. હાલ આ ડ્રગ્સ ક્યાંથી લાવવામાં આવ્યું હતું અને કોને પહોંચાડવાનું હતું, તે દિશામાં પોલીસ દ્વારા સઘન પૂછપરછ અને તપાસ હાથ ધરવામાં આવી છે. આ સફળ ઓપરેશન બાદ ડીસા પોલીસ હવે આ ડ્રગ્સ નેટવર્કના મૂળ સુધી પહોંચવા પ્રયાસ કરી રહી છે.

આ પણ વાંચો; Navsari: બે બાળકોના શંકાસ્પદ મોતથી ચકચાર, પૂર્વ પતિએ લગાવ્યો હત્યાનો ગંભીર આરોપ