Banaskantha Dhanera News: બનાસકાંઠા (Banaskantha) જિલ્લાના ધાનેરા (Dhanera) તાલુકા માટે છેલ્લા 10 દિવસ કાળમુખા સાબિત થયા છે. ધાનેરામાં એક ઘા રૂઝાય ત્યાં બીજી આફત આવી પડતી હોય તેમ છેલ્લા 10 જ દિવસમાં અલગ-અલગ દુર્ઘટનાઓમાં 11 આશાસ્પદ યુવાનોના કરુણ મોત નીપજ્યા છે.
Banaskantha Dhanera News: બનાસકાંઠા (Banaskantha) જિલ્લાના ધાનેરા (Dhanera) તાલુકા માટે છેલ્લા 10 દિવસ કાળમુખા સાબિત થયા છે. ધાનેરામાં એક ઘા રૂઝાય ત્યાં બીજી આફત આવી પડતી હોય તેમ છેલ્લા 10 જ દિવસમાં અલગ-અલગ દુર્ઘટનાઓમાં 11 આશાસ્પદ યુવાનોના કરુણ મોત નીપજ્યા છે. આ કાળચક્ર વચ્ચે ગઈકાલે વડોદરા (Vadodara) ખાતે વેકેશન માણવા ગયેલા ધાનેરાના બે સગા પિતરાઈ ભાઈઓનું નર્મદા નદી (Narmada River) માં ડૂબી જવાથી મોત થતાં સમગ્ર પંથકમાં અને રબારી સમાજમાં ભારે માતમ છવાઈ ગયો છે.
બનાસકાંઠા (Banaskantha) ના ધાનેરામાં ફરી એકવાર કરુણ ઘટના
મળતી માહિતી મુજબ, ધાનેરા (Dhanera) તાલુકાના રબારી સમાજના બે લાડકવાયા યુવાનો રમેશ રબારી (Ramesh Rabari) અને જોગાભાઈ રબારી (Jogabhai Rabari) વેકેશન દરમિયાન વડોદરા (Vadodara) તરફ ફરવા ગયા હતા. ત્યાં નર્મદા નદી (Narmada River)માં ન્હાવા પડ્યા તે દરમિયાન અચાનક ઊંડા પાણીમાં ગરકાવ થઈ જતાં બંને પિતરાઈ ભાઈઓના ડૂબી જવાથી કરુણ મોત નીપજ્યા હતા. એક સાથે પરિવારના બે કમાઉ દીકરાઓ ગુમાવવાનો વારો આવતા માતા-પિતા પર આભ તૂટી પડ્યું છે.
10 દિવસમાં 11 યુવાનોના મોતથી ધાનેરા ધ્રુજી ઊઠ્યું
ધાનેરા (Dhanera) તાલુકામાં છેલ્લા 10 દિવસથી જાણે મોતનું તાંડવ ચાલી રહ્યું છે. અલગ-અલગ અકસ્માતો અને દુર્ઘટનાઓમાં અત્યાર સુધીમાં કુલ 11 આશાસ્પદ યુવાનોએ પોતાના જીવ ગુમાવ્યા છે. સતત બની રહેલી આ કાળમુખી દુર્ઘટનાઓને પગલે સમગ્ર ધાનેરા તાલુકામાં ભારે ચિંતા, ગમગીની અને ભયનો માહોલ જોવા મળી રહ્યો છે. સ્થાનિક લોકો પણ સતત આવતા આવા દુઃખદ સમાચારોથી સ્તબ્ધ થઈ ગયા છે.
આ પણ વાંચો: Rajkot Baba Bageshwar Divya Darbar: કરોડો રૂપિયાનું ઇનામ અને ગરમ સળિયાની ચેલેન્જ! આજે બાબા બાગેશ્વરની થશે અગ્નિપરીક્ષા!
