Banaskanth: ધાનેરામાં અનરાધાર વરસાદ, પ્રિ-મોન્સૂન કામગીરીની પોલ ખુલી

રસ્તાઓ પર પાણી ભરતાં અવર-જવર કરવામાં મુશ્કેલી

ખાસ કરીને તુલસીનગર (Tulsinagar) સર્વિસ રોડ પર વરસાદી પાણીનો ભરાવો થતા વાહનચાલકો અને રાહદારીઓ માટે અવર-જવરમાં મુશ્કેલ પડી છે. શહેરમાં વરસાદી પાણીના નિકાલની વ્યવસ્થા નબળી હોવાને કારણે માત્ર સામાન્ય વરસાદમાં જ અનેક જગ્યાએ પાણી ભરાઈ જતા તંત્રની કામગીરી સામે પ્રશ્નો ઉભા થયા છે. ચોમાસાની શરૂઆત પહેલા કરવામાં આવતી પ્રિ-મોન્સૂન (Pre-monsoon) કામગીરીના દાવાઓ આ વરસાદે પોકળ સાબિત કર્યા છે.

રોગચાળો ફેલાવાની ભીતી

સ્થાનિક રહીશોનો આક્ષેપ છે કે, દર વર્ષે વરસાદ સમયે આ પ્રકારની પરિસ્થિતિનું નિર્માણ થાય છે, તેમ છતાં નગરપાલિકા દ્વારા ગટર અને ડ્રેનેજ (Drainage) વ્યવસ્થા સુધારવા માટે યોગ્ય પગલાં લેવામાં આવતા નથી. પાણી ભરાવાને કારણે મચ્છરોનો ઉપદ્રવ વધવાની અને રોગચાળો ફેલાવાની ભીતિ પણ સેવાઈ રહી છે.

આ પણ વાંચોઃ Tapi News: પહેલા વરસાદમાં જ નવા બ્રિજમાં પડ્યા મોટા ભૂવા, ભ્રષ્ટાચારના આક્ષેપથી ચકચાર