Banaskantha : વડગામમાં નકલી ઘી બનાવતી ફેક્ટરીનો પર્દાફાશ

બનાસકાંઠાના વડગામમાં નકલી ઘી બનાવતી ફેક્ટરીનો પર્દાફાશ
માહી ગામે નકલી ઘીની ફેક્ટરી પર ત્રાટક્યું ફૂડ એન્ડ ડ્રગ્સ વિભાગ
જૈનમ બ્રાન્ડના નામે ચાલતા નકલી ઘીના કૌભાંડનો પર્દાફાશ
ખુશ્બુ એન્ટરપ્રાઇઝના માલિક પાસે નહોતો કોઈ કાયદેસરનો પરવાનો
સોયાબીન, પામોલીન, વનસ્પતિ તેલમાંથી બનાવાતું હતું… pic.twitter.com/uBdvyQyFsX

— Gujarat First (@GujaratFirst) February 11, 2026

ઘી બનાવવા માટે કોઇ મંજૂરી નહીં (Banaskantha)

રાજ્યમાં નકલખોરો પર સરકારી તંત્ર તવાઇ લાવી રહ્યું છે. પહેલા નકલી દૂધ અને ત્યાર બાદ હવે નકલી ઘીની ફેક્ટરી પર તંત્રએ દરોડા પાડ્યા છે. તાજેતરમાં બનાસકાંઠાના વડગામમાં નકલી ઘી બનાવવાની ફેક્ટરીનો પર્દાફાશ થયો છે. ખુશ્બુ એન્ટરપ્રાઇઝના સંચાલક પાસે ઘી બનાવવા અંગેનો કોઇ પરવાનો નહતો, જૈનમ બ્રાન્ડના નામે નકલી ઘીનો કારોબાર ચલાવવામાં આવતો હતો. સંચાલક દ્વારા ચાલાકી વાપરીને સોયાબીન, પામોલીન અને વનસ્પતિ તેલમાંથી શંકાસ્પદ ઘી બનાવવામાં આવતું હતું.  (Banaskantha)

આ પણ વાંચો ------- Rajkot : શહેર ભાજપ ઉપપ્રમુખના ધૂણવા મામલે બે પ્રતિક્રિયાઓ સામે આવી

કલર, ફ્લેવર અને વેજીટેબલ ફેટ પણ મળી આવ્યા (Banaskantha)

ફૂડ એન્ડ ડ્રગ્સ વિભાગની કાર્યવાહીમાં સ્થળ પરથી એક લિટરના પેકિંગમાં ગાયનું શંકાસ્પદ ઘી અને શંકાસ્પદ લૂઝ ઘીનો મોટો જથ્થો પકડી પાડવામાં આવ્યો છે. આ ઘીને સાચા જેવું બતાવવા માટે તેમાં ભેળસેળ માટેના કલર, ફ્લેવર અને વેજીટેબલ ફેટ પણ મળી આવ્યા છે. ફૂડ એન્ડ ડ્રગ્સ વિભાગે આ કાર્યવાહી દરમિયાન કુલ 8 જેટલા નમુનાઓને લેબોરેટરીમાં ચકાસણી માટે મોકલી આપ્યા હોવાનું જાણવા મળી રહ્યું છે.

સંચાલકો વિરૂદ્ધ કાયદેસરની કાર્યવાહી

સુત્રોએ જણાવ્યું કે, ફૂડ એન્ડ ડ્રગ્સ ડિપાર્ટમેન્ટની કાર્યવાહીમાં કુલ 1,513 કિલો જેટલો શંકાસ્પદ ઘીનો જથ્થો જપ્ત કરવામાં આવ્યો છે. સાથે જ આ કાર્યવાહી દરમિયાન કુલ રૂ. 3.67 લાખનો મુદ્દામાલ જપ્ત કરવામાં આવ્યો છે. અને સંચાલકો વિરૂદ્ધ કાયદેસરવી કાર્યવાહી કરવાની તજવીજ હાથ ધરવામાં આવી છે. (Banaskantha)

આ પણ વાંચો ------ Surat:"મારા કપડાં ઉતારી યાતનાઓ આપી": પીડિતનો ચિરાગ ગોટી પર ગંભીર આરોપ