Banaskantha: સિંગર ગબ્બર ઠાકોર અને અર્જુન ઠાકોરની સ્પષ્ટતા છતાં સમાજમાંથી બહાર!
- Banaskantha: ઠાકોર સમાજના બંધારણના ઉલ્લંઘનનો મામલો
- ગુજરાત ફર્સ્ટની ટીમ પહોંચી જાબડીયા ગામ
- સિંગર ગબ્બર ઠાકોર અને અર્જુન ઠાકોર સાથે કરી વાતચીત
- બંધારણનું કોઈ ઉલ્લંઘન કર્યું નથી: ગબ્બર ઠાકોર
Banaskantha:હાલમાં ઠાકોર સમાજ (Thakor Samaj) ના બંધારણના ઉલ્લંઘનને લઈને મોટો વિવાદ ઊભો થયો છે. આ વિવાદના કેન્દ્રમાં જાણીતા લોકગાયક ગબ્બર ઠાકોર (Gabbar Thakor) અને અર્જુન ઠાકોર (Arjun Thakor) છે. ઝાબડિયા (Zabadiya) ગામમાં આ મામલે ભારે ચર્ચા જાગી છે કે શું આ કલાકારોએ સમાજના નીતિ-નિયમોનું ઉલ્લંઘન કર્યું છે? આ વિવાદને જાણવા માટે 'ગુજરાત ફર્સ્ટ' (Gujarat First) ની ટીમ ગ્રાઉન્ડ ઝીરો પર પહોંચી હતી.
Banaskantha: કલાકારોએ બંધારણ ઉલ્લંઘનની વાત નકારી
જ્યારે વિવાદ વકર્યો ત્યારે ગુજરાત ફર્સ્ટની ટીમે સીધા ઝાબડિયા (Zabadiya) ગામની મુલાકાત લીધી હતી. ત્યાં ગબ્બર ઠાકોર અને અર્જુન ઠાકોર સાથે રૂબરૂ વાતચીત કરવામાં આવી હતી. સમાજમાં એવી ચર્ચાઓ વહેતી થઈ હતી કે લગ્ન પ્રસંગમાં નિયમોનો ભંગ થયો છે, પરંતુ કલાકારોએ આ બાબતને સદંતર નકારી કાઢી છે.
Banaskantha: "નિયમ જાન માટે છે, ઘર માટે નહીં"
ગબ્બર ઠાકોરે (Gabbar Thakor) જણાવ્યું હતું કે, "અમે બંધારણનું કોઈ ઉલ્લંઘન કર્યું નથી. 42 ગોળ (42 Gol) ઠાકોર સમાજના બંધારણમાં સ્પષ્ટ ઉલ્લેખ છે કે જાન (Jan/Wedding Procession) માં ડીજે (DJ) લઈને જવું નહીં. અમે જાનમાં ડીજે લઈ ગયા નથી." તેમણે વધુમાં સ્પષ્ટતા કરી કે બંધારણ મુજબ ડીજે માત્ર ઘરે વગાડી શકાય છે, અને તેમણે તે જ નિયમનું પાલન કર્યું છે. તેમણે તીખા તેવરમાં ઉમેર્યું કે, "આટલો વિરોધ જો દારૂ (Liquor) કે અન્ય બદીઓ સામે કરવામાં આવ્યો હોત, તો સમાજને મોટો ફાયદો થયો હોત. 150 મકાનો તૂટ્યા ત્યારે કોઈ બોલ્યું નહીં, અને અત્યારે ડીજેના નામે વિવાદ કરવામાં આવી રહ્યો છે."
Banaskantha Thakor Samaj: "બંધારણમાં જે ઉલ્લેખ છે
તે પ્રમાણે જ નિયમોનું પાલન કર્યું છે" | Gujarat Firstઠાકોર સમાજનું બંધારણ તોડવાનું મામલો
ગુજરાત ફર્સ્ટની ટીમ પહોંચી જાબડીયા ગામ
સિંગર ગબ્બર ઠાકોર અને અર્જુન ઠાકોર સાથે કરી વાતચિત
"બંધારણનો કોઈ ઉલ્લંઘન કર્યું નથી" - સિંગર ગબ્બર… pic.twitter.com/XbocyVAAnY— Gujarat First (@GujaratFirst) February 4, 2026
અર્જુન ઠાકોરની લાગણી: "સમાજ અમારો મા-બાપ છે"
અર્જુન ઠાકોરે (Arjun Thakor) ભાવુક સ્વરે જણાવ્યું કે તેઓ ક્યારેય સમાજની વિરુદ્ધ જઈ શકે નહીં. તેમણે કહ્યું, "સમાજ અમારો મા-બાપ છે. આજે લાઈવ ડીજે (Live DJ) અને પ્રોગ્રામો બધે જ ચાલુ છે, પણ લોકોને માત્ર ગબ્બર ઠાકોર અને અર્જુન ઠાકોર જ કેમ દેખાય છે?"
આ પણ વાંચોઃ Banaskantha: Love Marriage કરનાર ભુવાજી પર હુમલો, 15થી વધુ શખ્સોનું ટોળું તૂટી પડ્યું!
1 વર્ષ માટે સમાજથી બહાર
જોકે બંધારણના ઉલ્લંઘન બાદ જાબડીયા ખાતેની બેઠકમાં ગબ્બર ઠાકોર અને અર્જુન ઠાકોરને એક વર્ષ માટે સમાજની બહાર મુકાયા છે. એક વર્ષ બાદ ઠાકોર સમાજની ગ્રામ સમિતિ તેમને પરત લેવાની વિચારણા કરશે. ઠાકોર સમાજ તાલુકા સમિતિના ધ્યાન ઉપર મૂકી અને ગુણદોષને આધારે યોગ્ય દંડ પણ કરવામાં આવશે. સામાજિક આર્થિક અને ધંધાકીય કોઈપણ બાબતોનો સાથ સહકાર સમાજ આપશે નહીં જો સાથ આપશે તો તે પણ દોષિત ગણાશે. ગબ્બર અને અર્જુન ઠાકોર ને સોશિયલ મીડિયામાંથી ઠાકોર સમાજમાંથી અન ફોલો કરવાનું કહ્યું છે.
Banaskantha Thakor Samaj: સમાજથી બહાર કાઢવાનો નિર્ણય, કલાકારોએ કહ્યું, 'અમે નિર્ણયથી અજાણ' | Gujarat First
ઠાકોર સમાજના બંધારણના ઉલ્લંઘનનો મામલો
સિંગર ગબ્બર ઠાકોરને સમાજમાંથી બહાર મુકાયા
એક વર્ષ માટે ગબ્બર ઠાકોર, અર્જુન ઠાકોર સમાજમાંથી બહાર
ડીસાના જાબડીયા ગામમાં… pic.twitter.com/NGiXbsTX7b— Gujarat First (@GujaratFirst) February 4, 2026
સાંસદ ગેનીબેને આપી પ્રતિક્રિયા
સાંસદ ગેનીબેન ઠાકોરે (MP Geniben Thakor) એ વિડિયો કોલના માધ્યમથી સંબોધન કર્યું છે. તેમણે કહ્યું અર્જુન અને ગબ્બર ઠાકોર સાથે કોઈ વ્યવહાર નહીં કરવામાં આવે અને સમાજના આગેવાનો જે કહે તે પ્રમાણે કરવાનું રહેશે. સમાજ સારું બંધારણ બનાવ્યું હતું ડી.જેનો ઉપયોગ ન કરવાનું હતું. તમામ સમાજોય અનુકરણ કર્યું છે છતાં નિયમો તોડ્યા છે. ગબ્બર અને અર્જુનને સમાજ બહાર મૂકી અને બરાબર એક વર્ષ બાદ અભિપ્રાય બાદ વિચારણા કરવામાં આવશે.
Arjun Thakor Gabbar Thakor Controversy: ગાયક અર્જુન ઠાકોરે સમાજનું બંધારણ તોડ્યાનો આરોપ | Gujarat First
ઝાબડીયા ખાતે ઠાકોર સમાજની બેઠક યોજાઈ
સાંસદ ગેનીબેન ઠાકોરનું વીડિયો કોલથી નિવેદન
અર્જુન અને ગબ્બરને સમાજ બહાર મુકાશે: ગેનીબેન
આગેવાનો જે કહે તે પ્રમાણે કરવાનું રહેશે: ગેનીબેન… pic.twitter.com/8BJgck2jnh— Gujarat First (@GujaratFirst) February 4, 2026
ઉલ્લેખનીય છે કે નવા ઘડાયેલા બંધારણ મુદ્દે હવે ઠાકોર સમાજ સહેજ પણ બાંધછોડ કરવા તૈયાર નથી. તે તેમના બંધારણ પ્રત્યે મક્કમ હોવાનું સાબિત થઈ રહ્યું છે.
આ પણ વાંચોઃ Banaskantha: ઠાકોર સમાજમાં મોટો વિવાદ, સિંગર ગબ્બર અને અર્જુન ઠાકોરને 'સમાજ બહાર' કરવાની પોસ્ટ વાયરલ!