બનાસકાંઠામાં ધોધમાર વરસાદ: વડગામના જલોત્રામાં 3 ઇંચથી જળબંબાકાર

પાલનપુર-અંબાજી હાઇવે પાણી પાણી

બનાસકાંઠાના મુખ્ય મથક પાલનપુર (Palanpur) શહેરમાં પણ મેઘરાજાએ એન્ટ્રી કરી છે. જોકે, માત્ર 1 થી 1.5 ઇંચ જેટલા સામાન્ય વરસાદમાં જ પાલનપુરની પ્રી-મોન્સૂન કામગીરીની ક્ષતિઓ સામે આવી ગઈ છે. પાલનપુર-અંબાજી હાઇવે (Palanpur-Ambaji Highway) પર સામાન્ય વરસાદમાં જ જળભરાવની ગંભીર સમસ્યા સર્જાઈ હતી.

રામપુરા ચોકડી નજીક વાહનચાલકો હેરાન

હાઇવે પર આવેલા રામપુરા ચોકડી નજીક રસ્તા પર ઢીંચણસમા પાણી ભરાઈ ગયા હતા. હાઇવે પર પાણીનો યોગ્ય નિકાલ ન હોવાના કારણે પસાર થતા વાહનચાલકો (Commuters) અને રાહદારીઓને ભારે હાલાકીનો સામનો કરવો પડ્યો હતો. કેટલાય નાના વાહનો પાણીમાં બંધ પડી જવાના બનાવો પણ બન્યા હતા.

પાણીના નિકાલ માટે સ્થાનિકોની માંગ

સ્થાનિક વેપારીઓ અને વાહનચાલકોમાં તંત્રની નબળી કામગીરી સામે રોષ જોવા મળી રહ્યો છે. ચોમાસાની શરૂઆતમાં જ હાઇવે પર પાણી ભરાવાની સમસ્યા સર્જાતાં સ્થાનિક લોકોએ વહીવટી તંત્ર પાસે તાત્કાલિક ધોરણે હાઇવે પરથી પાણીના નિકાલની યોગ્ય વ્યવસ્થા કરવામાં આવે તેવી આક્રમક માગ કરી છે.

આ પણ વાંચો: અંજારમાં બુલડોઝર એક્શન: લુખ્ખા તત્વોના 1 કરોડના 5 ગેરકાયદે મકાનો જમીનદોસ્ત!