Banaskantha: ભુવાજીની ઓપન ચેલેન્જ, '24 તારીખે સાંજે 4 વાગ્યા સુધીમાં વરસાદ ન લાવું તો...'

તારીખ અને સમય સાથે આપ્યું અલ્ટીમેટમ

રુવેલ (Ruvel) ગામના આ કાર્યક્રમમાં આસપાસના વિસ્તારમાંથી મોટી સંખ્યામાં લોકો એકઠા થયા હતા. ધૂણતી વખતે ભુવાજીએ જાહેર મંચ પરથી પડકાર ફેંકતા કહ્યું કે, "આગામી 24 તારીખે વિસ્તારમાં વરસાદ આવશે જ. જો સાંજે 4 વાગ્યા સુધીમાં હું વરસાદ ન લાવું, તો મારું નામ સધી નહીં." આ પ્રકારના ખુલ્લા પડકાર અને ચોક્કસ સમયરેખા સાથે કરવામાં આવેલા દાવાને પગલે ત્યાં હાજર શ્રદ્ધાળુઓ અને ગ્રામજનો આશ્ચર્યચકિત થઈ ગયા હતા.

બનાસકાંઠાના રુવેલ ગામમાં ભુવાજીએ વરસાદ અંગે કરી આગાહી
રમેલ દરમિયાન ધૂણતા ધૂણતા ભુવાજીએ વરસાદનો કર્યો દાવો
ધૂણતા ધૂણતા ભુવાજીએ કહ્યું, 24 તારીખે આવશે વરસાદ
"સાંજે 4 વાગ્યા સુધી વરસાદ ન લાવુ તો મારુ નામ સધી નહીં"
ભુવાજીના દાવાને લઈને આસપાસના ગામમાં ચર્ચાનો વિષય#Banaskantha… pic.twitter.com/wLoOcikBIc

— Gujarat First (@GujaratFirst) June 24, 2026

પંથકમાં ભારે ચર્ચા અને કુતૂહલનો વિષય

આ ઘટનાનો વીડિયો વાયરલ થયા બાદ રુવેલ સહિત આસપાસના તમામ ગામોમાં આ વિષય ટોક ઓફ ધ ટાઉન બન્યો છે. એક તરફ ગ્રામીણ વિસ્તારોમાં લોકો આ ભવિષ્યવાણીને અતૂટ શ્રદ્ધા સાથે જોડી રહ્યા છે, તો બીજી તરફ પ્રબુદ્ધ નાગરિકો આને માત્ર અંધશ્રદ્ધા ગણાવી રહ્યા છે. હવામાન વિભાગ (Meteorological Department) ના વૈજ્ઞાનિક માપદંડોથી વિપરીત, આ પ્રકારે તારીખ અને સમય આપીને કરાયેલા વરસાદના દાવાએ સમગ્ર બનાસકાંઠા જિલ્લામાં ભારે કુતૂહલ અને ચર્ચા જગાવી છે.

આ પણ વાંચો: પ્રવાસીઓ માટે ખુશખબર: ડાંગમાં મિની કાશ્મીર જેવો માહોલ! શંકર ધોધનો જુઓ આહલાદક વીડિયો