Banaskantha: ખેતરોમાં તૈયાર પાક અને આકાશમાં કાળા વાદળો, શું વરસાદ બગાડશે ખેડૂતોની સીઝન?

Banaskantha Weather: બટાકાના પાક પર જોખમ

બનાસકાંઠા જિલ્લો એશિયામાં બટાકા (Potato) ના ઉત્પાદન માટે જાણીતો છે. હાલમાં લણણીની સીઝન પૂરજોશમાં ચાલી રહી છે. ડીસા (Deesa), પાલનપુર (Palanpur) અને દાંતીવાડા (Dantiwada) જેવા તાલુકાઓમાં ખેડૂતોએ બટાકાનો પાક જમીનમાંથી કાઢીને ખેતરોમાં સુકવવા માટે ખુલ્લા મૂક્યા છે. જો આ સમયે માવઠું (Unseasonal Rain) થાય, તો ખેતરમાં પડેલા બટાકા ભીંજાઈ જવાથી તેમાં સડો લાગવાની અને ગુણવત્તા બગડવાની પૂરેપૂરી શક્યતા છે. ખેડૂતો અત્યારે રાત-દિવસ એક કરીને પાકને સુરક્ષિત સ્થાને ખસેડવા માટે મથામણ કરી રહ્યા છે.

Banaskantha Weather: આર્થિક મંદી વચ્ચે કુદરતી આફતનો બેવડો માર!

નોંધનીય છે કે, આ વર્ષે બજારમાં બટાકાના ભાવ (Market Prices) અપેક્ષા કરતા ઓછા મળી રહ્યા છે. ખેડૂતો પહેલેથી જ ખાતર, બિયારણ અને મજૂરીના ખર્ચ સામે આર્થિક દબાણ અનુભવી રહ્યા છે. આવી સ્થિતિમાં જો વરસાદી છાંટા પડે, તો ખેડૂતોની રહીસહી આશા પર પણ પાણી ફરી વળે તેમ છે.

જીરું, રાયડો અને એરંડાના પાકને નુકસાનની ભીતિ

માત્ર બટાકા જ નહીં, પણ બનાસકાંઠાના અન્ય રોકડિયા પાકો પર પણ જોખમ તોળાઈ રહ્યું છે. રવિ સીઝનના મુખ્ય પાકો જેવા કે જીરું (Cumin), રાયડો (Mustard), એરંડા (Castor) અને રાજગરો (Amaranth) અત્યારે તૈયાર થવાના આરે છે. વાદળછાયા વાતાવરણને કારણે જીરું જેવા પાકમાં રોગચાળો ફાટી નીકળવાની શક્યતા રહે છે. જો વરસાદ પડે તો લાખો રૂપિયાનું નુકસાન (Financial Loss) વેઠવાનો વારો આવી શકે છે.

અહેવાલ: કમલેશ નાંભાણી

આ પણ વાંચોઃ Vav-Tharad: ડોડગામની 600 એકર જમીન પાણીમાં! ખેડૂતોની હાલત દયનીય, જુઓ

આ પણ વાંચોઃ Gandhinagar: ડીસા-કાંકરેજમાં પાણીની સમસ્યાનો આવશે અંત! જાણો શું છે સરકારની યોજના?