Amba Temple Fire : દાંતાના પૌરાણિક મંદિર અને ફિલ્મ સિટી અંબા મહેલમાં ભીષણ આગ, અફરાતફરીનો માહોલ
Amba Temple Fire : પૌરાણિક અંબા મંદિરની છત પર આગ લાગતા ભયનો માહોલ
બાજુમાં આવેલા ફિલ્મ સિટીના ઓરડાઓ પણ આગમાં બળીને ખાક
દાંતામાં ફાયરની સુવિધા ન હોવાથી આગ વધુ વિકરાળ બની !
Amba Temple Fire : ગુજરાતમાં અવારનવાર આગ લાગવાની ઘટના સામે આવતી હોય છે. બનાસકાંઠાના દાંતામાં આવેલા પૌરાણિક અંબા મંદિરની છત પર અચાનક આગ લાગતા આસપાસના વિસ્તારોમાં અફરાતફરીનો માહોલ સર્જાયો હતો. મંદિરની છત પર લાગેલી આગ એટલી ભીષણ હતી કે મંદિરની બાજુમાં આવેલા ફિલ્મ સિટી અંબા મહેલ (Amba Mahal Film City) સુધી પ્રસરી ગઈ હતી. અંબે માતાના મંદિરની પાછળ ફિલ્મ સિટીમાં બનાવેલા ઓરડાઓ આગની ચપેટમાં આવતા સંપૂર્ણપણે બળીને ખાક થઈ ગયા હતા. સદનસીબે, આ ઘટનામાં કોઈ મોટી જાનહાનિ થઈ નથી.
Amba Temple Fire : અંબાજીથી ફાયરની ટીમ દાંતા પહોંચી
દાંતામાં ફાયર ફાઈટર (Fire Fighter) ની સુવિધાનો અભાવ હોવાને કારણે આગ ઝડપથી ફેલાઈ હતી. ઘટનાની જાણ થતા જ સ્થાનિક લોકોના ટોળેટોળા ઉમટી પડ્યા હતા અને પાણી છાંટીને આગ ઓલવવામાં મદદ કરી હતી. અંતે અંબાજી (Ambaji) થી ફાયર ફાઈટરની ગાડી ઘટનાસ્થળે પહોંચી હતી અને આગ પર કાબૂ મેળવ્યો હતો. ઘટનાની જાણ થતા જ પોલીસ (Police) કાફલો પણ સ્થળ પર દોડી આવ્યો હતો અને આગળની કાર્યવાહી હાથ ધરી હતી.
View this post on Instagram
પોલીસે હાથ ધરી તપાસ
ઉલ્લેખનીય છે કે આગ એટલી વિકરાળ હતી કે મંદિરની બાજુમાં આવેલા ફિલ્મ સિટી અંબા મહેલ (Amba Mahal Film City) સુધી પ્રસરી ગઈ હતી. તેમજ ભીષણ આગના પગલે દૂર-દૂર સુધી ધુમડાના ગોટે ગોટા જોવા મળ્યા હતા. જો કે આગ લાગતા ઓરડાઓ બળીને ખાખ થઈ ગયા છે. પ્રાપ્તથતી વિગતો અનુસાર આગમાં કોઈ પણ પ્રકારની જાનહાનિ થઈ નથી.
Ahmedabad : ખુલ્લેઆમ લોકોના સ્વાસ્થ્ય સાથે ચેડાં ! આરોગ્ય વિભાગે લીધેલા 22 ફૂડ સેમ્પલ ફેઈલ