Banas Dairy: સામાન્ય સભામાં પશુપાલકો માટે મોટી જાહેરાત, રૂ.2239.27 કરોડ દૂધનો ભાવ ફેર જાહેર

2,239.27 કરોડનો ભાવ ફેર જાહેર

સામાન્ય સભા દરમિયાન બનાસ ડેરી દ્વારા પશુપાલકોને ચૂકવવામાં આવનાર ભાવ ફેરની રકમ જાહેર કરવામાં આવી હતી. ₹2,239.27 કરોડની આ જાહેરાતને પશુપાલકો માટે મોટી આર્થિક રાહત અને પ્રોત્સાહન તરીકે જોવામાં આવી રહી છે. દૂધ ઉત્પાદન સાથે જોડાયેલા પરિવારો માટે આ રકમ મહત્વપૂર્ણ બની રહેશે.

Advertisement

ચેરમેન શંકર ચૌધરીનો રાખડી બાંધી આભાર

ભાવફેરની જાહેરાત બાદ રક્ષાબંધનની ઉજવણી પણ કરવામાં આવી હતી. મહિલા પશુપાલકોએ બનાસ ડેરીના ચેરમેન શંકરભાઈ ચૌધરી (Shankar Chaudhary)ને રાખડી બાંધીને આભાર વ્યક્ત કર્યો હતો. ભાવફેરની જાહેરાતથી ખુશ થયેલી બહેનોએ રાખડી બાંધી ભાઈ-બહેનના પવિત્ર સંબંધની લાગણી સાથે આભાર માન્યો હતો.

મુસ્લિમ સમાજની બહેનોએ પણ બાંધી રાખડી

આ ઉજવણીમાં મુસ્લિમ સમાજની બહેનોએ પણ ભાગ લીધો હતો. તેમણે પણ ચેરમેન શંકરભાઈ ચૌધરીને રાખડી બાંધી હતી. આ પ્રસંગે સામાજિક એકતા અને ભાઈચારો જોવા મળ્યો હતો.બનાસ ડેરીની સામાન્ય સભામાં એક તરફ પશુપાલકો માટે કરોડોની ભાવફેરની જાહેરાત થઈ, તો બીજી તરફ રક્ષાબંધનની ઉજવણીથી કાર્યક્રમનું વાતાવરણ લાગણીસભર બન્યું હતું. ભાવફેરની મોટી રકમ જાહેર થતાં પશુપાલકોમાં પણ ઉત્સાહ જોવા મળ્યો હતો.

આ પણ વાંચો: Ahmedabad: નકલી બ્લડ પ્રેશર દવાના રેકેટનો પર્દાફાશ, નિકાર્ડિયા રિટાર્ડ-10 નામે વેચાતી હતી દવા