ગુજરાતમાં આગામી 3 કલાક ભારે: અમદાવાદ સહિત 16 જિલ્લામાં ઓરેન્જ એલર્ટ, 16 km/h ની ઝડપે પવન ફૂંકાશે

બનાસકાંઠાથી સુરેન્દ્રનગર સુધી ઓરેન્જ એલર્ટ

હવામાન ખાતા દ્વારા રાજ્યના અનેક ભાગોમાં વરસાદની તીવ્રતાને ધ્યાને રાખીને 'ઓરેન્જ એલર્ટ' (Orange Alert) જાહેર કરાયું છે. ઉત્તર ગુજરાત અને મધ્ય ગુજરાતના મુખ્ય જિલ્લાઓ જેવા કે બનાસકાંઠા (Banaskantha), પાટણ (Patan), મહેસાણા (Mehsana) અને અમદાવાદ (Ahmedabad) માં ઓરેન્જ એલર્ટ અપાયું છે. આ સિવાય સૌરાષ્ટ્રના પ્રવેશદ્વાર ગણાતા સુરેન્દ્રનગર (Surendranagar) જિલ્લા માટે પણ ભારે વરસાદની શક્યતાને પગલે ઓરેન્જ એલર્ટ જારી કરવામાં આવ્યું છે.

દક્ષિણ ગુજરાત, સૌરાષ્ટ્ર અને કેન્દ્રશાસિત પ્રદેશોમાં આફતનું એંધાણ

ઓરેન્જ એલર્ટની યાદીમાં દક્ષિણ ગુજરાત અને સૌરાષ્ટ્રના વિસ્તારોનો પણ સમાવેશ થાય છે. બોટાદ (Botad), ગાંધીનગર (Gandhinagar), નવસારી (Navsari), વલસાડ (Valsad) તેમજ સંઘપ્રદેશ દમણ (Daman) માં પણ ઓરેન્જ એલર્ટ જાહેર કરાયું છે. આ ઉપરાંત આણંદ (Anand), ખેડા (Kheda), વડોદરા (Vadodara), ભાવનગર (Bhavnagar) અને અમરેલી (Amreli) જિલ્લામાં પણ વરસાદી એલર્ટ જાહેર કરાયું છે. દાદરા અને નગર હવેલી (Dadra and Nagar Haveli) માં પણ અત્યંત ભારે વરસાદની ચેતવણી આપવામાં આવી છે.

16 કિલોમીટરની ઝડપે ફૂંકાશે પવન, તંત્ર સજ્જ

વરસાદી આગાહીની સાથે સાથે હવામાન વિભાગે જણાવ્યું છે કે, આ સમયગાળા દરમિયાન મધ્યમ વરસાદની સાથે ભારે ગાજવીજ (Thunderstorm) થશે અને પ્રતિ કલાક 16 કિલોમીટરની ઝડપે પવન ફૂંકાઈ શકે છે. અચાનક આવનારા આ તોફાની પવન અને વરસાદને કારણે વાહનચાલકો તથા નીચાણવાળા વિસ્તારોના રહીશોને સાવચેત રહેવા તંત્ર દ્વારા અપીલ કરાઈ છે. ઈમરજન્સી સેવાઓ અને સ્થાનિક કંટ્રોલ રૂમને સતર્ક કરી દેવાયા છે.

આ પણ વાંચો: બંગાળની ખાડીમાં નવું લો પ્રેશર અને ગ્રહોનું પરિવર્તન: ગુજરાતમાં 31 જુલાઈથી અતિભારે વરસાદની મોટી આગાહી