Banaskantha News : પાણીની સમસ્યા ઉકેલવા મળેલી બેઠકમાં થયો હુમલો,પાલનપુરમાં ભારે ચકચાર

Banaskantha News : બેઠકમાં અચાનક હુમલો થતા અફરાતફરીનો માહોલ

મળતી માહિતી અનુસાર જ્યારે સ્થાનિક લોકો પાણીના પ્રશ્નો અંગે ચર્ચા કરી રહ્યા હતા. આ સમયે આસપાસના એક ધાબા પર બેઠેલી વ્યક્તિએ અચાનક હોબાળો કર્યો હતો. ઘટનાસ્થળ પર હાજર સ્થાનિકોનું કહેવું છે કે હુમલો કરનાર વ્યક્તિ નશાની હાલતમાં હતો. નશામાંધૂત વ્યક્તિએ ધાબા પર બેસીને જાહેરમાં બિભત્સ ભાષાનો ઉપયોગ કર્યો હતો.

પોલીસે સમગ્ર મામલે તપાસ હાથ ધરી

મહત્વનું છે કે  બેઠકમાં હાજર કેટલાક લોકોએ વ્યક્તિને શાંત રહેવા અને બિભત્સ ભાષા ન કરવા કહ્યું ત્યારે સમગ્ર મામલો વધુ ઉગ્ર બન્યો હતો. જોકે આ સમગ્ર ઘટના અંગે પોલીસને જાણ થતા તાત્કાલિક ધોરણે પોલીસ ઘટનાસ્થળે દોડી આવી હતી અને સ્થિતિ પર કાબુ મેળવ્યો હતો. આ સાથે પોલીસ દ્વારા સમગ્ર મુદ્દે ફરિયાદ નોંધીને તપાસ હાથ ધરી છે.

આ પણ વાંચો : Monsoon 2026: અંબાલાલ પટેલની ભારે વરસાદની આગાહી વચ્ચે સૌરાષ્ટ્ર, ઉત્તર અને દક્ષિણ ગુજરાતમાં ધમાકેદાર બેટિંગ