Palanpur-Deesa National Highway પર ભયંકર ચક્કાજામ: 2 કિલોમીટર લાંબી કતારો, વાહનચાલકો કલાકો સુધી અટવાયા

બે કિલોમીટર સુધી વાહનોના પૈડાં થંભી ગયા

સ્થાનિક સૂત્રોના જણાવ્યા અનુસાર, માર્ગ મકાન વિભાગ અને કોન્ટ્રાક્ટર દ્વારા પૂર્વ આયોજન વગર શરૂ કરાયેલી કામગીરીને લીધે હાઇવે પર 2 (2) કિલોમીટર કરતાં પણ વધુ લાંબી વાહનોની કતારો લાગી ગઈ છે. આ ચક્કાજામમાં નાના દ્વિચક્રી વાહનોથી લઈને મોટા કોમર્શિયલ ટ્રકો અને એમ્બ્યુલન્સ જેવા ઈમરજન્સી વાહનો પણ ફસાયા હોવાના અહેવાલ છે. ધોમધખતા તાપમાં વાહનચાલકો કલાકો સુધી ટ્રાફિકમાં અટવાઈ પડતાં તંત્ર સામે ભારે રોષ જોવા મળી રહ્યો છે.

પાલનપુર-ડીસા નેશનલ હાઇવે પર વાહનોની કતારો લાગી
હાઇવેના રિનોવેશનમાં યોગ્ય ડાયવર્ઝનન અપાતા ચક્કાજામ
ચડોતર બ્રિજ નજીક હાઇવે બ્લોક થતા લાંબી લાઇનો લાગી
હાઇવે પર વાહનોની બે કિલોમીટર કરતા પણ વધુ લાંબી લાઇનો
હાઇવે પર વાહન ચાલકો કલાકો સુધી ટ્રાફિકમાં અટવાયા
પાલનપુરથી ડીસા તરફ જઇ રહેલા… pic.twitter.com/BZXzXZmUzY

— Gujarat First (@GujaratFirst) June 16, 2026

બંને તરફનો વાહન વ્યવહાર પ્રભાવિત

આ ટ્રાફિક જામની વ્યાપક અસર હાઇવેની બંને બાજુ જોવા મળી રહી છે. પાલનપુર (Palanpur) થી ડીસા (Deesa) તરફ જઇ રહેલા મુસાફરો અને નોકરીયાત વર્ગ સમયસર પોતાના ગંતવ્ય સ્થાને પહોંચી શક્યા નથી અને ભારે પરેશાન થયા છે. તો બીજી તરફ, ડીસાથી પાલનપુર તરફ આવી રહેલા વાહનો પણ માર્ગ પર કલાકો સુધી અટવાઈ પડ્યા છે. સ્થાનિક પોલીસ (Local Police) અને હાઇવે ઓથોરિટી (Highway Authority) ના અધિકારીઓ ઘટનાસ્થળે પહોંચીને ટ્રાફિક હળવો કરવાના પ્રયાસો કરી રહ્યા છે, પરંતુ કલાકો વીતી જવા છતાં સ્થિતિ હજુ પણ ગંભીર બનેલી છે.

આ પણ વાંચો: Khambhalia Jamnagar Highway પર ચાલતી XUV કારમાં બની આગનો ગોળો, 2 લોકો દાઝ્યા