Kinjal Rabari Controversy : 'ભાગીને લગ્ન કરતી દીકરીઓ જરા વિચારજો...', કહેતા ઠાકરશી રબારી રડી પડ્યા!

સિંગર કિંજલ રબારી (Kinjal Rabari) લગ્ન મામલે ઠાકરશી રબારીનું મોટું નિવેદન

આ સમગ્ર મામલે સમાજના અગ્રણી ઠાકરશી રબારી (Thakarshi Rabari) એ મહત્વનું નિવેદન આપતા જણાવ્યું હતું કે, કિંજલ રબારીએ સમાજ અને પરિવારની મર્યાદાનો સ્વીકાર કર્યો છે તે બદલ તેઓ તેનો આભાર માને છે. તેમણે સ્પષ્ટ કર્યું હતું કે, "કિંજલ રબારી હવે સમાજમાં જ્યાં ઈચ્છશે ત્યાં તેના લગ્ન સમાજ દ્વારા વિધિવત રીતે કરાવવામાં આવશે."

ભાગીને લગ્ન કરતી દિકરીને ભાવુક સંદેશ

ઠાકરશીરબારીએ ભારતીય સંસ્કૃતિમાં લગ્નના મહત્વ પર ભાર મૂકતા કહ્યું કે, "જ્યારે ચાર ફેરા ફરીને અગ્નિમાં જવ અને તલ હોમાય છે અને ભાઈ દ્વારા જવતલ હોમવાની વિધિ થાય છે, તેને જ સાચા લગ્ન કહેવાય છે."આ દરમિયાન તેઓ દીકરીઓને સંદેશ આપતા અત્યંત ભાવુક થઈ ગયા હતા અને રડી પડ્યા હતા. તેમણે કલાકારો અને દીકરીઓને અપીલ કરતા જણાવ્યું હતું કે, કોઈ પણ દીકરીએ એવું પગલું ન ભરવું જોઈએ જેનાથી સમાજ કે પરિવારની ઈજ્જત ખરાબ થાય.

પ્રેમ લગ્ન નહીં, માતા-પિતાના દુઃખનો વિરોધ

તેમણે વધુમાં ઉમેર્યું કે, "અમે પ્રેમ લગ્નના વિરોધી નથી, પરંતુ જ્યારે આવા પગલાંને કારણે કેટલાય માતા-પિતા આઘાતમાં આવીને આપઘાત જેવા અંતિમ પગલાં ભરે છે, ત્યારે તેનું ખૂબ દુઃખ થાય છે."આ સમાધાન બાદ કિંજલ રબારીના ચાહકો અને રબારી સમાજમાં શાંતિનો માહોલ જોવા મળી રહ્યો છે.

આ પણ વાંચો :  લોકગાયિકા Kinjal Rabari આખરે પિતાના ઘરે પરત ફરી! કેવી રીતે મામલો થાળે પડ્યો?