Tharad Sessions Court નો મોટો ચુકાદો, યુવતીની Murder કરનાર અશ્વિન પરમારને અંતિમ શ્વાસ સુધી આજીવન કેદ
- Tharad Sessions Court: મૃતક યુવતીને મળ્યો અંતે ન્યાય
- થરાદની સેશન્સ કોર્ટે યુવતીની હત્યારાને ફટકારી આજીવન કેદની સજા
- વર્ષ 2022 માં સુઈગામના જેલાણા ગામમાં બની હતી ઘટના
- સોનલ ભાટિયા નામની યુવતીની નિર્મમ હત્યા થઈ હતી
Tharad Sessions Court Murder Verdict: બનાસકાંઠા જિલ્લાની થરાદ સેશન્સ કોર્ટે (Sessions Court) આજે એક મહત્વપૂર્ણ ચુકાદો આપીને ન્યાયનું ઉદાહરણ પૂરું પાડ્યું છે. કોર્ટે યુવતીની હત્યા કરનાર આરોપી અશ્વિન પરમારને કસૂરવાર ઠેરવીને આજીવન કેદની (Life Imprisonment) સજા સંભળાવી છે. આ મામલો વર્ષ 2022 માં સુઈગામ તાલુકાના જેલાણા ગામમાં બનેલી હત્યાની ઘટના સાથે જોડાયેલો છે. આરોપીએ સોનલ ભાટિયા નામની માસૂમ યુવતીની હત્યા કરીને ફરાર થઈ ગયો હતો. કોર્ટના આ કડક વલણથી ગુનેગારોમાં કાયદાનો ડર પેદા થયો છે.
જૂની અદાવતમાં નિર્દોષ સોનલની લેવાઈ હતી બલિ
હત્યાની આ હૃદયદ્રાવક ઘટના પાછળ અગાઉ થયેલી મારામારી અને પોલીસ ફરિયાદ (Police Complaint) મુખ્ય કારણ હતી. આરોપી અશ્વિન પરમારે અગાઉ મૃતક સોનલની મોટી બહેન શાંતિ સાથે ઝઘડો કરીને મારામારી કરી હતી. આ બાબતે પીડિત પરિવારે આરોપી વિરુદ્ધ કાયદેસરની ફરિયાદ નોંધાવી હતી. આ ફરિયાદનું મનદુઃખ રાખીને આરોપીએ બદલો લેવાની ભાવનાથી નાની બહેન સોનલ ભાટિયાને નિશાન બનાવી હતી. જૂની દુશ્મનાવટમાં (Enmity) એક નિર્દોષ યુવતીએ પોતાનો જીવ ગુમાવવો પડ્યો હતો.
આ પણ વાંચો---- Gujarat Food and Drug Department: રાજ્યમાં ખોરાક શુદ્ધિ અભિયાન, 4,193 એકમોમાં તપાસ અને 1,018 કિલો પનીરનો નાશ
પીડિત પરિવારને મળ્યો લાંબા સમય પછી ન્યાય
સોનલના ભાઈએ આ જઘન્ય અપરાધ અંગે સુઈગામ પોલીસ મથકે (Suigam Police Station) ફરિયાદ નોંધાવીને તપાસની માંગ કરી હતી. પોલીસે મજબૂત પુરાવાઓ એકત્ર કરીને કોર્ટમાં ચાર્જશીટ રજૂ કરી હતી. થરાદ કોર્ટે તમામ દલીલો અને પુરાવાઓ (Evidence) ધ્યાને રાખીને આરોપી અશ્વિન પરમારને દોષિત જાહેર કર્યો છે. સજાની સાથે કોર્ટે આરોપીને 50,000 (Fifty Thousand) રૂપિયાનો દંડ પણ ફટકાર્યો છે. આ ચુકાદાથી પીડિત પરિવારને આખરે લાંબા સમય બાદ ન્યાય (Justice) મળ્યો છે.
આ પણ વાંચો---- Rajkot Crime Branch ની સફળતા, લાખોની ચાંદીની ચોરી કરનાર મામા-ભાણેજ ઝડપાયા