Vav-Tharad: 'ગેનીબેન સારું ભોજન જમે, ઠાકોરના છોકરા લૂખું' ભૂવાજી આવ્યા DJ ના સમર્થનમાં
- Vav-Tharad માં વધુ એક ભૂવાજીએ આપ્યુ DJને સમર્થન
- સાંસદ ગેનીબેન પર પ્રહારો કરી DJને આપ્યું સમર્થન
- DJવાળાનું DJ બંધ રાખુ તો માતા ન કહેવાઉં: ભૂવાજી
'ગેનીબેન સારું ભોજન જમે, ઠાકોરના છોકરા લૂખું ભોજન જમે'
Vav-Tharad: બનાસકાંઠા જિલ્લાના વાવ (Vav) અને થરાદ (Tharad) પંથકમાં છેલ્લા કેટલાક સમયથી સામાજિક રિવાજો અને DJ વગાડવા બાબતે વિવાદ ચાલી રહ્યો છે. આ વિવાદમાં હવે એક નવા ભૂવાજી ટીનાજી (Bhuvaji Tinaji) મેદાનમાં આવ્યા છે. તેમણે સાંસદ ગેનીબેન ઠાકોર (MP Geniben Thakor) દ્વારા સામાજિક સુધારાના નામે લેવાયેલા નિર્ણયોનો ખુલ્લેઆમ વિરોધ કર્યો છે અને DJ વગાડવાને સમર્થન જાહેર કર્યું છે.
Vav-Tharad: 'DJ વાળાનું DJ બંધ રાખુ તો માતા ન કહેવાઉં'
સોશિયલ મીડિયા પર વાયરલ થયેલા એક વીડિયોમાં ભૂવાજી ટીનાજી અત્યંત આક્રમક મૂડમાં જોવા મળી રહ્યા છે. તેમણે નિવેદન આપ્યું કે, "જો DJ વાળાનું DJ બંધ રાખુ તો હું માતા ન કહેવાઉં." તેમણે સ્પષ્ટ કર્યું કે ધાર્મિક પ્રસંગો જેવા કે રમેલ (Ramel), જાતર (Jatar) અને ભજન (Bhajan) માં DJ ચોક્કસપણે વગાડવામાં આવશે.
Vav Tharad DJ controversy
વાવ થરાદમાં વધુ એક ભૂવાજીએ આપ્યુ DJને સમર્થન
સાંસદ ગેનીબેન પર પ્રહારો કરી DJને આપ્યું સમર્થન
DJવાળાનું DJ બંધ રાખુ તો માતા ન કહેવાવુ: ભૂવાજી
''ગેનીબેન સારું ભોજન જમે, ઠાકોરના છોકરા લુખ્ખુ ભોજન જમે''
ફોન કરવો હોય તો કરી દેજો ગેનીબેનને: ભૂવાજી… pic.twitter.com/He4WKCbzPN— Gujarat First (@GujaratFirst) February 27, 2026
Vav-Tharad: સાંસદ ગેનીબેન ઠાકોર પર પ્રહારો
ભૂવાજીએ માત્ર DJ ના સમર્થન સુધી સીમિત ન રહેતા સાંસદ ગેનીબેન (Geniben) પર શાબ્દિક પ્રહારો કર્યા છે. તેમણે કટાક્ષ કરતા કહ્યું કે, "ગેનીબેન પોતે સારું ભોજન જમે છે, જ્યારે ઠાકોર સમાજના (Thakor Community) દીકરાઓ લૂખું ભોજન જમે છે." વધુમાં, તેમણે કહ્યું હતુ કે, "જો કોઈને વાંધો હોય તો ગેનીબેનને ફોન કરીને કહી દેજો, વીડિયો ઉતારવો હોય તો ઉતારી દેજો, બધાની બોલતી બંધ ન કરુ તો જોગણી ન કહેવાવું "
બંધારણ તોડવાના આક્ષેપો
સામાન્ય રીતે સામાજિક આગેવાનો એવો દાવો કરે છે કે DJ પર પ્રતિબંધ સમાજના હિતમાં અને બંધારણ મુજબ છે. જોકે, ભૂવાજી ટીનાજીએ આ વાતને નકારતા વળતો આરોપ લગાવ્યો છે કે સમાજનું બંધારણ અમે નથી તોડ્યું, પરંતુ ગેનીબેને (Geniben)ને તોડ્યું છે. વીડિયો વાયરલ થયા બાદ સમગ્ર પંથકમાં ભારે ચર્ચાઓ જાગી છે.
DJ વાળા વિવાદિત નિવેદન બાદ ભૂવાજીને થયું ભાન!
કાકરેજના અરડુવાડાના ટીના ભુવાજીએ માગી માફી
"રમેલમાં બેઠો હતો ત્યારે ધુણતા ધુણતા બોલાઈ ગયું"#TinaBhuvaji #DJRow #Kankrej #GenibenThakor #Apology #GujaratPolitics #SocialIssue #GujaratFirst pic.twitter.com/qp57YURmLq— Gujarat First (@GujaratFirst) February 27, 2026
જોકે, વિવાદ વધતુ ભૂવાજીએ પાછળથી સ્પષ્ટતા પણ કરી છે કે તેમનો હેતુ માત્ર ધાર્મિક પરંપરાઓ જાળવી રાખવાનો છે. કહ્યું રતનપરા ગામમાં રમેલ હતી અને એમાં ડી.જે અને સાઉન્ડ વિશે માતાજી બોલ્યા હતા. જે બાદ ભૂવાજીએ સમાજની માફી પણ માંગી છે.
આ પણ વાંચોઃ Vav-Tharad: ટિકિટ અને 11,000 મતોની લીડ! ભુવાજીએ ભાખ્યું કોંગ્રેસ નેતા માંગીલાલનું ભવિષ્ય!
આ પણ વાંચોઃ સંભલ મસ્જિદ વિવાદના મુખ્ય યાચિકાકર્તા Rishirajgiri Bapu અંબાજીના શરણે, કેસ જીતશે તો..!