International Yoga Day : અંબાજી અને ગબ્બર ખાતે 12મા આંતરરાષ્ટ્રીય યોગ દિવસની કરી ભવ્ય ઉજવણી

ઉલ્લેખનીય છે કે અંબાજી ખાતે આવેલા ગબ્બર શક્તિપીઠ પરિક્રમા પ્રવેશ ચોક ખાતે પણ યોગ દિવસની વિશેષ ઉજવણી કરવામાં આવી હતી. તેમજ ચાચર ચોકમાં પણ મોટી સંખ્યામાં લોકોએ યોગ કર્યા છે.

International Yoga Day : ભારતીય સંસ્કૃતિનું વૈશ્વિક ગૌરવ

વડાપ્રધાન નરેન્દ્રભાઈ મોદીના કુશળ નેતૃત્વ હેઠળ આજે યોગ સમગ્ર વિશ્વમાં ભારતીય સંસ્કૃતિનું પ્રતીક બન્યું છે. અંબાજી ખાતેના કાર્યક્રમમાં વડાપ્રધાનના પ્રાસંગિક ઉદ્દબોધનનું જીવંત પ્રસારણ કરવામાં આવ્યું હતું. ત્યારબાદ ગુજરાત યોગ બોર્ડના નિષ્ણાતોએ ઉપસ્થિત સૌને પ્રાણાયામ, ધ્યાન અને વિવિધ યોગાસનોનું શાસ્ત્રીય માર્ગદર્શન પૂરું પાડ્યું હતું.

‘યોગ ગરબા’ બન્યું આકર્ષણનું કેન્દ્ર

આ કાર્યક્રમનું સૌથી વિશેષ આકર્ષણ ચાચર ચોકમાં આયોજિત “યોગ ગરબા” રહ્યું હતું. સંગીતના સૂરો અને યોગની મુદ્રાઓનો અનોખો સમન્વય નિહાળીને સૌ કોઈ મંત્રમુગ્ધ થયા હતા. યોગના નિયમિત અભ્યાસથી થતા શારીરિક, માનસિક અને આધ્યાત્મિક ફાયદાઓ વિશે નિષ્ણાતોએ વિસ્તૃત સમજણ આપી હતી. કાર્યક્રમના અંતે સૌએ પોતાના દૈનિક જીવનમાં યોગને અનિવાર્યપણે અપનાવવાનો સંકલ્પ કર્યો હતો, જે આ આયોજનની સફળતાને સાર્થક કરે છે.

આ પણ વાંચો : International Yoga Day: સુરતમાં કેન્દ્રીય મંત્રી સી.આર. પાટીલ સહિત 4 હજાર લોકોએ લીધો સ્વસ્થ જીવનનો સંકલ્પ