સ્વામિનારાયણનગરમાં બાળકો માટે તૈયાર કરાયા મંચ

અમદાવાદ (Ahmedabad)ના પ્રમુખ સ્વામી શતાબ્દી મહોત્સવમાં સ્વામિનારાયણ નગર (Swaminarayan Nagar)માં બે મંચ એવા બનાવવામાં આવ્યા છે જ્યાં બાળકો દ્વારા પોતાનું ટેલેન્ટ દર્શાવવામાં આવે છે. બાળકીઓ સાથે બાળકો માટે પણ ટેલેન્ટ મંચ શરૂ કરવામાં આવ્યું છે. ટેલેન્ટ મંચ ઉપર ભારત સહિત વિદેશથી આવેલા બાળકો વિવિધ પ્રકારના ટેલેન્ટ દર્શાવી રહ્યા છે.

સ્વામિનારાયણ નગરમાં આજે સૌથી વધુ આકર્ષણનું કેન્દ્ર છે ટેલેન્ટ મંચ. બોયઝ અને ગર્લ્સ માટે  અલગ અલગ મંચ બનાવવામાં આવ્યા છે.બાળકો માટે બનાવેલા મંચ ઉપર વિવિધ પ્રકારના 26 જેટલા અલગ અલગ ટેલેન્ટ રોજ પ્રદર્શિત કરવામાં આવે છે. આ ટેલેન્ટ માટે 125 જેટલા બાળકો ટેલેન્ટ પ્રદર્શિત કરી રહ્યા છે. સંગીત, કલાસિકલ સંગીત, વાંસળી વડાં, વાજિંત્ર વડાં, શારીરિક સોષ્ઠવના વિવિધ ટેલેન્ટ લોકોને બતાવવામાં આવે છે. આ બાળકો ભારતના વિવિધ રાજ્યો અને વિવિધ  દેશોમાંથી પણ બાળકો આવ્યા છે. બાળકો દ્વારા ટેલેન્ટના મોકલાયેલા વીડિયોમાંથી શ્રેષ્ઠ કૃતિને મંચ પર પ્રદર્શિત કરવા માટે સ્થાન આપવામાં આવ્યું છે.

આ પણ વાંચો--પ્રમુખસ્વામી મહારાજ આદિવાસીઓમાં ભગવાનને જોતા : મહંતસ્વામી મહારાજ