Bharuch: વરસાદમાં અજાણી જગ્યાએ જતાં કે લટકતાં વીજતારથી સાવધાન! અંકલેશ્વરમાં કિશોરનો માંડ માંડ બચ્યો જીવ

કિશોરને લાગ્યો જોરદાર કરંટ

પ્રાથમિક માહિતી અનુસાર, કિશોર રસ્તા પરથી પસાર થતો હતો ત્યારે અજાણતા વીજ તારને અડી ગયો હતો. વીજપ્રવાહના જોરદાર આંચકાના કારણે તે તાર સાથે ચોંટી ગયો હતો અને આસપાસના લોકોમાં અફરાતફરી મચી ગઈ હતી. ઘટનાસ્થળે હાજર લોકોએ તાત્કાલિક હિંમત દાખવી અને પરિસ્થિતિને કાબૂમાં લેવાનો પ્રયાસ કર્યો હતો.

લોકોએ દેખાડી બહાદુરી

સ્થાનિક રહિશોએ સીધો સ્પર્શ કરવાથી વધુ જાનહાનિ થઈ શકે તે સમજતા લાકડાના સપાટાનો ઉપયોગ કરીને કિશોરને વીજ તારથી અલગ કર્યો હતો. સમયસર કરાયેલા આ પ્રયાસને કારણે મોટી દુર્ઘટના ટળી હોવાનું માનવામાં આવે છે.

લાઇવ વીડિયો આવ્યો સામે

સમગ્ર ઘટનાનો લાઇવ વીડિયો પણ સામે આવ્યો છે, જેમાં કિશોરને વીજ તારથી છોડાવવાનો પ્રયાસ સ્પષ્ટ રીતે જોવા મળે છે. વીડિયો સોશિયલ મીડિયા પર ઝડપથી વાયરલ થઈ રહ્યો છે અને લોકો વરસાદી મોસમ દરમિયાન વીજ સુરક્ષા અંગે ચેતવણી આપી રહ્યા છે.

તંત્ર માટે ચેતવણીરૂપ ઘટના

આ ઘટના વીજ વિભાગ અને સ્થાનિક તંત્ર માટે પણ ચેતવણીરૂપ માનવામાં આવી રહી છે. વરસાદી મોસમ દરમિયાન ખુલ્લા અથવા લટકતા વીજ તાર લોકો માટે જીવલેણ સાબિત થઈ શકે છે. નાગરિકોને અજાણી જગ્યાએ જતા સમયે ખાસ સાવચેતી રાખવા, પાણી ભરાયેલા વિસ્તારોમાં વીજ થાંભલા અને તારોથી દૂર રહેવા તેમજ આવી સ્થિતિ જોવા મળે તો તાત્કાલિક વીજ વિભાગને જાણ કરવાની અપીલ કરવામાં આવી છે.

આ પણ વાંચોઃ Mahisagar Rain Update: વિરપુરમાં ભારે વાવાઝોડાથી 66 KV ટાવર ધરાશાયી, વીજ લાઈન બંધ કરી સમારકામ ચાલુ

આ પણ વાંચોઃ Kheda માં વરસાદનો કહેર, શેઢી નદીમાં ઘોડાપૂર, ડાકોર-ઉમરેઠનો જુનો બ્રિજ બંધ