ભરૂચના પાલેજમાં એક ચાઇનીઝ સેન્ટરની વાનગી ખાધા બાદ ફૂડ પોઇઝનિંગ થવાથી પૂર્વ પટેલ નામના બાળકનું વડોદરાની હોસ્પિટલમાં સારવાર દરમિયાન મોત નીપજ્યું હોવાનો ગંભીર આક્ષેપ થયો છે. આ દુખદ ઘટનાથી પરિવારમાં શોક છવાયો છે. ફૂડ એન્ડ ડ્રગ્સ વિભાગે તાત્કાલિક રેસ્ટોરન્ટમાં તપાસ શરૂ કરી છે
Bharuch Palej Food Poisoning Child Death: ભરૂચ (Bharuch) જિલ્લાના પાલેજ (Palej) વિસ્તારમાંથી એક અત્યંત દ્રાવક અને દુખદ ઘટના સામે આવી છે, જ્યાં ફૂડ પોઇઝનિંગ (Food Poisoning) ના કારણે એક માસૂમ બાળકનું મોત નીપજ્યાનો ગંભીર આક્ષેપ કરવામાં આવ્યો છે. પ્રાપ્ત માહિતી અનુસાર, બાળક દ્વારા એક ચાઇનીઝ સેન્ટર (Chinese Center) માંથી ખાણી-પીણીની વસ્તુઓ ખાવામાં આવી હતી, ત્યારબાદ તેને અચાનક તબિયત બગડવાની સાથે ઉલટી અને ઝાડા (Vomiting and Diarrhea) ની ગંભીર ફરિયાદો શરૂ થઈ ગઈ હતી.
ચાઇનીઝ ખાદ્યા બાદ તબીયત લથડી
ઘટનાની વિગતો મુજબ, મૃતક બાળકની ઓળખ પૂર્વ પટેલ (Purv Patel) તરીકે થઈ છે. ચાઇનીઝ વાનગી ખાધા બાદ તબિયત લથડતાં પરિવારજનો દ્વારા તેને તાત્કાલિક ધોરણે સારવાર માટે ખસેડવામાં આવ્યો હતો. સ્થિતિ વધુ ગંભીર બનતા તેને વડોદરા (Vadodara) ની હોસ્પિટલમાં રીફર કરવામાં આવ્યો હતો, જ્યાં સારવાર દરમિયાન માસૂમ બાળકનું દુખદ અવસાન થયું છે. આ અચાનક બનેલી ઘટનાને પગલે પીડિત પરિવાર પર આભ તૂટી પડ્યું છે અને સમગ્ર વિસ્તારમાં ઘેરા શોકનું મોજું ફરી વળ્યું છે.
Bharuch: આરોગ્ય વિભાગ પણ હરકતમાં આવી ગયું
ઘટનાની ગંભીરતાને ધ્યાનમાં રાખીને વહીવટી તંત્ર અને આરોગ્ય વિભાગ પણ હરકતમાં આવી ગયું છે. ફૂડ એન્ડ ડ્રગ્સ વિભાગ (Food and Drugs Department) દ્વારા તાત્કાલિક ધોરણે સંબંધિત ચાઇનીઝ સેન્ટર અને રેસ્ટોરન્ટમાં તપાસ હાથ ધરવામાં આવી છે તથા ખાણી-પીણીના સેમ્પલ લેવાની કાર્યવાહી શરૂ કરવામાં આવી છે. પોલીસ સૂત્રોના જણાવ્યા અનુસાર, બાળકના મૃતદેહને પોસ્ટમોર્ટમ (Postmortem) માટે મોકલી આપવામાં આવ્યો છે. પોસ્ટમોર્ટમનો સત્તાવાર રિપોર્ટ આવ્યા બાદ જ મોતનું સાચું કારણ સ્પષ્ટ થશે અને તેના આધારે પોલીસ દ્વારા આગળની કાયદેસરની સખત કાર્યવાહી કરવામાં આવશે. ચોમાસાની આ સિઝનમાં ખુલ્લો કે વાસી ખોરાક ખાવો નાગરિકોના સ્વાસ્થ્ય માટે કેટલો જીવલેણ સાબિત થઈ શકે છે, તેનું આ ઘટના એક મોટું ઉદાહરણ બની રહી છે.
આ પણ વાંચો: ઘર કે ખાનગી જગ્યાએ પત્તા રમવા તે ગુનો નથી: ગુજરાત હાઈકોર્ટનો મહત્વપૂર્ણ અને ઐતિહાસિક ચુકાદો
