Bharuch News: ફાઈવ સ્ટાર હોટેલમાં ગંદકીનું સામ્રાજ્ય! NRI ના આક્ષેપથી ખળભળાટ

સારી સુવિધા ન મળતા ભારે રોષ વ્યક્ત કર્યો

સમીર સાબિર આ હોટેલમાં લગભગ  21 દિવસ સુધી રોકાયા હતા. આ લાંબા રોકાણ દરમિયાન તેમણે અપેક્ષા મુજબની સુવિધા ન મળતા ભારે રોષ વ્યક્ત કર્યો છે. તેમણે દાવો કર્યો છે કે, લાખો રૂપિયાના ખર્ચ કરવા છતાં તેમને સુવિધાને બદલે માત્ર ગંદકી (Filth) અને બેદરકારીનો સામનો કરવો પડ્યો છે. આ અંગેનો એક વીડિયો તેમણે સોશિયલ મીડિયા પર વાયરલ કર્યો છે, જે હાલમાં ભારે ચર્ચાનો વિષય બન્યો છે.

હોટલમાંથી નીકળ્યા જીવજંતુઓ

વાયરલ થયેલા વીડિયોમાં હોટેલના લક્ઝરી રૂમમાં જીવાત અને વંદા હોવાનું સ્પષ્ટપણે જોઈ શકાય છે. એનઆરઆઈએ હોટેલના રૂમની સ્વચ્છતાને લઈને ગંભીર સવાલો ઉઠાવતા આ હોટેલને 'માઈનસ વન'  રેટિંગ આપ્યું છે. સમીર સાબિરે જણાવ્યું હતું કે, તેઓ આટલી મોટી રકમ ચુકવ્યા બાદ પણ પ્રાથમિક સ્વચ્છતાના અભાવને કારણે ભારે પરેશાનીનો સામનો કરી રહ્યા હતા.

UK એમ્બેસીમાં ફરિયાદ કરવાની NRIની તૈયારી

આ સમગ્ર મામલે હોટેલની છબીને ભારે ફટકો પડ્યો છે. સ્થાનિક સ્તરે અને પ્રવાસીઓમાં પણ આ ઘટનાને લઈને નારાજગી જોવા મળી રહી છે. સમીર સાબિરે આ મામલે મક્કમ વલણ અપનાવ્યું છે. તેઓએ આ મામલે યુકે એમ્બેસી (UK Embassy) માં ફરિયાદ કરવાની પણ તૈયારી દર્શાવી છે. એક ફાઈવ સ્ટાર હોટેલ તરીકે ગણાતી આ સંસ્થામાં ગંદકીના આ દ્રશ્યોએ હોટેલ ઈન્ડસ્ટ્રીના સંચાલન પર સવાલો ખડા કર્યા છે. હાલમાં, આ વીડિયો સોશિયલ મીડિયા પર વાયરલ થતા હોટેલ પ્રશાસન અને તેમની ગુણવત્તા સામે લોકો આકરા પ્રહાર કરી રહ્યા છે.

આ પણ વાંચોઃ Junagadh માં ગંભીર અકસ્માત બાદ મનપાનું કડક પગલું, બંને કંપનીઓના સાઇટ ઈજનેરોને દૂર કરવા આદેશ