Bhavnagar: નવનીતભાઈ બાલધિયાને હોસ્પિટલમાંથી રજા, આવતીકાલે આરોપીઓનું શું થશે?
Bhavnagar: બગદાણામાં જીવલેણ હુમલાનો શિકાર બનેલા કોળી સમાજના આગેવાન નવનીતભાઈ બાલધિયાને 11 દિવસની સારવાર બાદ મહુવા હોસ્પિટલમાંથી રજા અપાઈ છે. બીજી તરફ, SIT દ્વારા આ કેસમાં 8 આરોપીઓના વધુ રિમાન્ડની માંગ કરાઈ છે અને કેસમાં 'ગુનાહિત કાવતરા'ની નવી કલમ ઉમેરવામાં આવી છે. આવતીકાલે કોર્ટમાં વધુ સુનાવણી થશે.
Advertisement
- નવણિતભાઈ બાલાધિયાને હોસ્પિટલમાંથી રજા
- હુમલાના 8 આરોપીઓના વધુ રિમાન્ડ અંગે સુનાવણી થશે
- આરોપીઓ વિરુધ્ધ નવી કલમનો ઉમેરો કરાયો
Bhavnagar Navneet Baldhia case: ભાવનગર જિલ્લાના પ્રસિદ્ધ યાત્રાધામ બગદાણા (Bagdana) ખાતે ગત 29 ડિસેમ્બરના રોજ કોળી સમાજના અગ્રણી નવનીતભાઈ બાલધિયા પર થયેલા જીવલેણ હુમલાના કેસે સમગ્ર પંથકમાં ભારે ચકચાર જગાવી હતી. આ ઘટનામાં ગંભીર રીતે ઘાયલ થયેલા નવનીતભાઈને 11 દિવસની સઘન સારવાર બાદ આજે મહુવા સ્થિત હનુમંત હોસ્પિટલ (Hanumant Hospital) માંથી રજા આપવામાં આવી છે. બીજી તરફ, પોલીસ તપાસમાં પણ મોટા અપડેટ્સ સામે આવ્યા છે, જેમાં SIT દ્વારા આરોપીઓના રિમાન્ડની માંગણી અને નવી કલમોનો ઉમેરો કરવામાં આવ્યો છે.
જીવલેણ હુમલો અને 11 દિવસની હોસ્પિટલ દાખલ
ગત 29 ડિસેમ્બરના રોજ બગદાણામાં અજાણ્યા અને ઓળખીતા શખ્સો દ્વારા નવનીતભાઈ બાલધિયા (Navneet Baldhia) પર ઘાતકી હુમલો કરવામાં આવ્યો હતો. આ હુમલામાં તેમને શરીરે ગંભીર ઈજાઓ પહોંચી હતી, જેના કારણે તેમને તાત્કાલિક ધોરણે મહુવાની હનુમંત હોસ્પિટલમાં ખસેડવામાં આવ્યા હતા. તેમની સ્થિતિ નાજુક હોવાથી 11 દિવસ સુધી ડોક્ટરોની દેખરેખ હેઠળ રાખવામાં આવ્યા હતા. આજે તેમની તબિયતમાં સુધારો જણાતા હોસ્પિટલમાંથી રજા આપવામાં આવી છે.