Bhavnagar Rath Yatra 2026: રાજવી પરિવારે કરી પવિત્ર પહિંદવિધિ, 18 કિમીના માર્ગ પર ઉમટ્યું ભક્તોનું ઘોડાપૂર

રાજવી પરિવાર દ્વારા પહિંદવિધિ અને 18 કિમીનો ભવ્ય રૂટ

પરંપરા અનુસાર, ભાવનગરના આદરણીય રાજવી પરિવાર (Royal Family) ના સભ્યો દ્વારા ભગવાનના રથની પવિત્ર પહિંદવિધિ (Pahind Vidhi) સંપન્ન કરવામાં આવી હતી. સોનાની સાવરણીથી રથનો માર્ગ સાફ કર્યા બાદ પ્રભુના રથને નગરચર્યા માટે રવાના કરાયા હતા. ભાવનગરના નિર્ધારિત 18 કિલોમીટર લાંબા માર્ગ પર ભગવાન જગન્નાથ, ભાઈ બલભદ્ર અને બહેન સુભદ્રાજી નગરજનોને દર્શન આપવા નીકળ્યા છે. સમગ્ર માર્ગ પર પ્રભુના સ્વાગત માટે ભક્તોમાં અનેરો ઉત્સાહ અને ભારે જનમેદની જોવા મળી રહી છે.

જીપીએસ અને સીસીટીવી સાથે હાઈટેક સુરક્ષા

આ વર્ષની રથયાત્રામાં સુરક્ષા અને મોનિટરિંગ માટે પ્રથમ વખત હાઈટેક ટેકનોલોજી (Hi-tech Technology) નો વિશેષ ઉપયોગ કરવામાં આવ્યો છે. ચુસ્ત પોલીસ બંદોબસ્ત (Police Security) ની સાથે-સાથે ભગવાનના મુખ્ય રથોમાં જીપીએસ (GPS) સિસ્ટમ અને અત્યાધુનિક સીસીટીવી કેમેરા (CCTV Cameras) ફીટ કરવામાં આવ્યા છે. આ હાઈટેક વ્યવસ્થાના કારણે કંટ્રોલ રૂમમાંથી જ યાત્રાના પળેપળના લોકેશન અને સુરક્ષા પર સીધી નજર રાખવામાં આવી રહી છે, જેથી સમગ્ર 18 કિમીનો રૂટ સુરક્ષિત રહે.

આ પણ વાંચો: DyCM Harshbhai Sanghavi Saraspur ની મુલાકાતે, ભંડારા-ભજન કાર્યક્રમમાં આપી હાજરી