Bhavnagar ACB નો સપાટો: વંડા પોલીસ સ્ટેશનના 2 હેડ કોન્સ્ટેબલને પકડ્યા, આ કામ માટે માગી હતી લાંચ

• Bhavnagar ACB ની સફળ ટ્રેપ
• 51 હજાર રોકડ સાથે 2 હેડ કોન્સ્ટેબલ ઝડપાયા
• માર નહીં મારવા માગી હતી 1 લાખ 25 હજારની લાંચ

Bhavnagar ACB: ભાવનગર એન્ટી કરપ્શન બ્યુરો (ACB) દ્વારા ભ્રષ્ટાચાર વિરુદ્ધ એક સફળ ટ્રેપ (Trap) ગોઠવીને મોટી કાર્યવાહી કરવામાં આવી છે. અમરેલીના વંડા પોલીસ સ્ટેશન (Wanda Police Station) માં નોંધાયેલા એક ગુનાની તપાસ હેડ કોન્સ્ટેબલ વિજયભાઈ મનસુખભાઈ મેર (Vijay Mer) પાસે હતી. આ કેસમાં આરોપીની ફોર વ્હીલર ગાડી કબજે નહીં કરવા, ધંધો વ્યવસ્થિત ચલાવવા દેવા અને માર નહીં મારવાના બદલામાં પોલીસના વચેટિયા  અતુલભાઈ ચૌહાણ મારફતે ₹1,25,000ની માંગણી કરવામાં આવી હતી. અંતે રકઝકને અંતે ₹51,000માં સોદો નક્કી  કરવામાં આવ્યો હતો.

રંગે હાથે ઝડપાયા આરોપીઓ

લાંચની આ રકમ સ્વીકારવા માટે બીજો વચેટિયો મયુરભાઈ બાબુભાઈ ખુમાણ (Mayur Khuman) આવ્યો હતો. તેણે આ રકમ વંડા પોલીસ સ્ટેશનના જ અન્ય એક હેડ કોન્સ્ટેબલ છગનભાઈ માવજીભાઈ ડાભી (Chhagan Dabhi) ને આપી હતી. આ સમગ્ર પ્રકરણમાં એસીબીએ વંડા પોલીસ સ્ટેશનની સામે આવેલી ગોપીનાથ ઓઈલ મિલના ગેટ પાસે છટકું ગોઠવ્યું હતું. લાંચની રકમ સ્વીકારતા જ એસીબીના અધિકારીઓએ હેડ કોન્સ્ટેબલને રંગે હાથે ઝડપી પાડ્યા હતા.

પોલીસ બેડામાં ચકચાર

આ કાર્યવાહીમાં એસીબીએ કુલ ચાર વ્યક્તિઓની ધરપકડ (Arrest) કરી છે, જેમાં વંડા પોલીસ સ્ટેશનના બે હેડ કોન્સ્ટેબલ વિજય મેર અને છગનભાઈ ડાભી તેમજ બે વચેટિયાઓ અતુલ ચૌહાણ અને મયુર ખુમાણનો સમાવેશ થાય છે. પોલીસ કર્મચારીઓ દ્વારા વચેટિયાઓ મારફતે લાંચ લેવાના આ કિસ્સાએ સમગ્ર પોલીસ બેડામાં ચકચાર મચાવી દીધી છે. એસીબી દ્વારા હાલ તમામ વિરુદ્ધ કાયદેસરની કાર્યવાહી હાથ ધરવામાં આવી છે.

વંડા પોલીસ સ્ટેશન, તા.સાવરકુંડલા, જિ.અમરેલી ખાતે ફરજ બજાવતા (૧) હેડ કોન્સ્ટેબલ વિજયભાઇ મનસુખભાઇ મેર (૨) હેડ કોન્સ્ટેબલ છગનભાઇ માવજીભાઇ ડાભી (૩) પ્રજાજન મયુરભાઇ બાબુભાઇ ખુમાણ (૪) પ્રજાજન અતુલભાઇ ચૌહાણ વિરુધ્ધ રૂ. ૫૧,૦૦૦/-ની લાંચ લેવા અંગેનો ગુનો નોંધાયો@sanghaviharsh @InfoGujarat pic.twitter.com/wNNOcciZR6

— ACB Gujarat (@ACBGujarat) May 11, 2026

ભ્રષ્ટાચાર મુક્ત અભિયાન

એસીબીની આ સફળ કામગીરીથી ભ્રષ્ટ અધિકારીઓમાં ફફડાટ ફેલાયો છે. જનતાને પણ અપીલ કરવામાં આવી છે કે જો કોઈ સરકારી કર્મચારી કામના બદલામાં લાંચની માંગણી કરે, તો તુરંત એસીબીનો સંપર્ક કરવો. આ પ્રકારની સફળ ટ્રેપ નાગરિકોનો તંત્ર પરનો વિશ્વાસ મજબૂત કરે છે. ભ્રષ્ટાચારને નાબૂદ કરવા માટે આવી કડક કાર્યવાહી સતત ચાલુ રાખવી અનિવાર્ય છે.

આ પણ વાંચોઃ Ahmedabad: માત્ર લિફ્ટ માંગવાની અદાવતમાં છરીના 16 ઘા ઝીંક્યા, કાળજું કંપી જાય તેવી હત્યા