Bhavnagar: 6 જેટલા માથાભારે વ્યાજખોરોના ત્રાસથી યુવકનો આપઘાત, પોલીસ કાર્યવાહી તેજ

આપઘાત પહેલાં સ્યુસાઈડ નોટ લખી

મળતી માહિતી મુજબ, અનિલભાઈ ભીમાણીએ આપઘાત કરતા પહેલા એક સ્યુસાઈડ નોટ લખી હતી. પોલીસે આ સ્યુસાઈડ નોટ કબજે કરી છે. સ્યુસાઈડ નોટમાં આશરે છ જેટલા માથાભારે વ્યાજખોરોના નામનો ઉલ્લેખ કરવામાં આવ્યો હોવાની માહિતી સામે આવી છે. જેના પગલે સમગ્ર મામલો ગંભીર બન્યો છે અને પોલીસે તપાસનો ધમધમાટ શરૂ કર્યો છે.

Advertisement

10થી 20 ટકા સુધી ઊંચું વ્યાજ વસૂલાતું હોવાનો આક્ષેપ

પ્રાથમિક વિગતો અનુસાર, મૃતક યુવક પાસેથી વ્યાજખોરો દ્વારા 10 થી 20 ટકા સુધીનું ઊંચું વ્યાજ વસૂલવામાં આવતું હોવાનો આક્ષેપ છે. ઊંચા વ્યાજના કારણે યુવક આર્થિક અને માનસિક તણાવમાં આવ્યો હોવાની ચર્ચા છે. જોકે, આપઘાત પાછળનું ચોક્કસ કારણ અને વ્યાજખોરોની ભૂમિકા અંગે પોલીસ તપાસ બાદ જ વધુ સ્પષ્ટતા થઈ શકશે.

વરતેજ પોલીસે AD નોંધી તપાસ શરૂ કરી

ઘટનાની જાણ થતાં વરતેજ પોલીસે સ્થળ પર પહોંચી જરૂરી કાર્યવાહી હાથ ધરી હતી. પોલીસે યુવકની સ્યુસાઈડ નોટ સહિતના પુરાવા કબજે કરીને સમગ્ર મામલે તપાસ શરૂ કરી છે. પોલીસે અકસ્માતે મોતનો ગુનો એટલે કે AD નોંધીને કાયદેસરની કાર્યવાહી હાથ ધરી છે. સ્યુસાઈડ નોટમાં ઉલ્લેખાયેલા લોકોની ભૂમિકા અંગે પણ તપાસ કરવામાં આવી રહી છે.

આ પણ વાંચોઃ Mehsana: સગીરાને મંદિરમાં જતી રોકવા મામલે 2 આરોપીને પોલીસે પકડ્યા, ગાળાગાળી બાદ ધમકી આપ્યાનો આક્ષેપ

આ પણ વાંચોઃ Ahmedabad: "જો મારી સામે કાર્યવાહી કરીશ તો આંતરડાં બહાર કાઢી દઈશ", TRB જવાને PSI ને ધમકી આપતાં ખળભળાટ