Bhavnagar News: ભાવનગરમાં ચાંદીપુરાના શંકાસ્પદ કેસોનો આંકડો 10 પર પહોંચ્યો, 40 દિવસની બાળકી સિવિલમાં સારવાર હેઠળ

Bhavnagar માં ચાંદીપુરાના શંકાસ્પદ કેસ વધતા તંત્ર એલર્ટ

પ્રાપ્ત વિગતો અનુસાર, બંને બાળકોની ગંભીર સ્થિતિને ધ્યાને રાખીને હોસ્પિટલ તંત્ર દ્વારા ત્વરિત ધોરણે સેમ્પલ લેવામાં આવ્યા છે અને તેને કન્ફર્મેશન માટે ગાંધીનગર લેબમાં મોકલી આપવામાં આવ્યા છે. રિપોર્ટ આવ્યા બાદ જ સત્તાવાર પુષ્ટિ થશે કે બાળકો ચાંદીપુરાથી સંક્રમિત છે કે નહીં. હાલ તબીબોની દેખરેખ હેઠળ બંને બાળકોની વિશેષ સુવિધા સાથે સારવાર શરૂ કરી દેવામાં આવી છે.

ચાંદીપુરા વાયરસના શંકાસ્પદ કેસોની સંખ્યા વધીને 10 પર પહોંચી

ઉલ્લેખનીય છે કે, ગત માસમાં જ વલભીપુર તાલુકાના મેલાણા ગામે ચાંદીપુરા વાયરસના કારણે એક માસૂમ બાળકે જીવ ગુમાવ્યો હતો. ભાવનગર જિલ્લામાં અત્યાર સુધીમાં ચાંદીપુરા વાયરસના શંકાસ્પદ કેસોની સંખ્યા વધીને 10 પર પહોંચી ગઈ છે. આ ઘટનાને પગલે આરોગ્ય વિભાગમાં દોડધામ મચી ગઈ છે અને તાત્કાલિક અસરથી કુંભારવાડા તથા સંવેદનશીલ વિસ્તારોમાં દવા છાંટકાવ તેમજ સર્વેલન્સ ટીમ દ્વારા સ્કેનિંગ અને હાઉસ-ટુ-હાઉસ સર્વેની કામગીરી શરૂ કરવામાં આવી છે. આ અંગે જિલ્લા આરોગ્ય અધિકારી ડૉ. કે.એમ. સોલંકી દ્વારા સમગ્ર સ્થિતિ પર નજર રાખવામાં આવી રહી છે.

આ પણ વાંચો: Surat News: મોબાઇલની જીવલેણ લત, ધોરણ-7ના વિદ્યાર્થીએ માતા-પિતાના ઠપકાથી માઠું લાગતા કર્યો આપઘાત