Bhavnagar News: પ્રથમવાર ચૂંટણી લડ્યા અને સીધા જ જિલ્લા પ્રમુખ! જાણો કોણ છે અશોક લાધવા?
- Bhavnagar જિલ્લા પંચાયતના પ્રમુખ-ઉપપ્રમુખની વરણી
- ત્રાપજ બેઠકના અશોક લાધવા બન્યા પ્રમુખ
- ઉમરાળા બેઠકના સુજાનસિંહ ગોહિલ બન્યા ઉપપ્રમુખ
- સામે કોઈ ફોર્મ ન ભરાતાં બિનહરીફ વરણી
- પ્રથમવાર ચૂંટણી લડી અશોક લાધવા બન્યા પ્રમુખ
- કારોબારી ચેરમેન અને દંડકની પણ કરાશે પસંદગી
Bhavnagar News: ભાવનગર જિલ્લા પંચાયત (District Panchayat President) ના પ્રમુખ અને ઉપપ્રમુખ પદ માટેની ચૂંટણી પ્રક્રિયા શાંતિપૂર્ણ રીતે સંપન્ન થઈ છે. ભાજપના ઉમેદવારો સામે અન્ય કોઈ પક્ષ દ્વારા ઉમેદવારી ફોર્મ ન ભરાતા, ભાવનગર જિલ્લા પંચાયતમાં ભાજપના નવા પદાધિકારીઓની વરણી બિનહરીફ જાહેર કરવામાં આવી છે.
Bhavnagar જિલ્લા પંચાયતમાં નવા નેતૃત્વનો ઉદય
ત્રાપજ બેઠકના અશોક લાધવા પ્રમુખ બન્યા છે. જ્યારે ઉમરાળા બેઠકના સુજાનસિંહ ગોહિલ ઉપપ્રમુખ બન્યા છે.
અશોક લાધવાની રાજકીય સફર
આ વરણીમાં ખાસ નોંધપાત્ર બાબત એ છે કે 39 વર્ષીય યુવાન અશોક લાધવાએ પોતાની રાજકીય કારકિર્દીમાં પ્રથમ વખત જ જિલ્લા પંચાયતની ચૂંટણી લડી હતી અને તે જંગમાં વિજયી થયા બાદ હવે તેઓ જિલ્લાના સર્વોચ્ચ સ્થાને બિરાજમાન થયા છે. એક યુવા નેતાને આટલી મોટી જવાબદારી સોંપવામાં આવતા ભાજપના કાર્યકરોમાં ભારે ઉત્સાહ જોવા મળી રહ્યો છે.
આગામી કાર્યવાહી
જિલ્લા પંચાયતની આ મહત્વપૂર્ણ બેઠકમાં પ્રમુખ અને ઉપપ્રમુખની વરણી ઉપરાંત, કારોબારી ચેરમેન, પક્ષના નેતા અને દંડકની પસંદગી કરવાની પ્રક્રિયા પણ હાથ ધરવામાં આવશે. આ સાથે જિલ્લા પંચાયતનું સંપૂર્ણ માળખું તૈયાર થઈ જશે અને આગામી વિકાસ કાર્યોની ગતિ વધશે.