Bhavnagar News: સીદસર હાઉસિંગ બોર્ડમાંથી ઝડપાયેલા મોલાનાને મળતું હતું આર્થિક ભંડોળ, કોણ છે ફંડિંગ કરનારા?

Bhavnagarમાં થી 26 વર્ષીય મોલાનાની ધરપકડ

પોલીસ તપાસમાં બહાર આવ્યું છે કે આરોપી મૂળ બનાસકાંઠાનો રહેવાસી છે, જેણે ભરૂચના જંબુસરમાં ધાર્મિક શિક્ષણ મેળવ્યા બાદ ભાવનગર ખાતે આશ્રય લીધો હતો. ધરપકડ બાદ તેને વધુ પૂછપરછ માટે ડીએસપી કચેરી ખાતે ખસેડવામાં આવ્યો હતો. તપાસ દરમિયાન પોલીસના હાથ કેટલાક સંવેદનશીલ પુરાવાઓ લાગ્યા છે, જેમાં કટ્ટરપંથી વિચારધારાઓ દર્શાવતું સ્વહસ્તક લિખિત પુસ્તક, લેટરપેડ અને અન્ય દસ્તાવેજોનો સમાવેશ થાય છે.

સીદસર હાઉસિંગ બોર્ડમાંથી ઝડપાયેલા મોલાનાને મળતું હતું આર્થિક ભંડોળ

આ કેસમાં માત્ર પુસ્તકો જ નહીં, પરંતુ નાણાકીય લેણદેણ પણ તપાસના કેન્દ્રમાં છે. પ્રાથમિક તપાસમાં ખુલાસો થયો છે કે બે અજાણ્યા શખ્સો દ્વારા આરોપીને નિયમિતપણે આર્થિક ફંડિંગ પૂરું પાડવામાં આવતું હતું. હાલ સુરક્ષા એજન્સીઓ આર્થિક સહાય કરનાર બંને વ્યક્તિઓની ઓળખ, તેમની ભૂમિકા અને ફંડિંગના અસલી હેતુ અંગે ઊંડાણપૂર્વક તપાસ કરી રહી છે. જપ્ત કરાયેલા પુરાવાઓનું વૈજ્ઞાનિક અને કાનૂની વિશ્લેષણ કરીને આ નેટવર્ક સાથે જોડાયેલા અન્ય લોકોના સગળ મેળવવાની તજવીજ હાથ ધરવામાં આવી છે.

આ પણ વાંચો:  અમદાવાદમાં કોંગ્રેસ ભવન ખાતે પોલીસનો ચુસ્ત બંદોબસ્ત: ભાજપના વિરોધ પ્રદર્શનને પગલે કાફલો તૈનાત