Bhavganar Duplicate Liquor Case: લઠ્ઠાકાંડમાં મોટી અપડેટ, વધુ એક આરોપી અહીંથી ઝડપાયો

લઠ્ઠાકાંડની સપ્લાય ચેઇન સાથે જોડાણ

પોલીસ તપાસમાં મનોજ વર્માનું નામ લઠ્ઠાકાંડમાં સપ્લાય ચેઇન સાથે જોડાયેલા આરોપી તરીકે સામે આવ્યું છે. આ કેસમાં ગેરકાયદે દારૂના સપ્લાયથી લઈને સમગ્ર નેટવર્કમાં કોણ-કોણ સંકળાયેલું છે તે અંગે તપાસ ચાલી રહી છે. મનોજ વર્માની ધરપકડ બાદ તપાસમાં વધુ કડીઓ મળવાની શક્યતા છે.

મધ્યપ્રદેશના ધાર જિલ્લામાંથી ઝડપાયો

આરોપી મનોજ વર્માને ઝડપી લેવા તપાસ એજન્સી દ્વારા કાર્યવાહી હાથ ધરવામાં આવી હતી. અંતે મધ્યપ્રદેશના ધાર જિલ્લાના રાજોદ ગામમાંથી તેની ધરપકડ કરવામાં આવી છે. ભાવનગરમાં બનેલી લઠ્ઠાકાંડની ઘટનાના તાર અન્ય રાજ્ય સુધી પહોંચતા તપાસનો વ્યાપ પણ વધ્યો છે.

કોર્ટમાં રજૂ કરતાં 5 દિવસના રિમાન્ડ

મનોજ વર્માની ધરપકડ બાદ તેને કોર્ટ સમક્ષ રજૂ કરવામાં આવ્યો હતો. કોર્ટમાં તપાસ એજન્સી દ્વારા આરોપીના રિમાન્ડની માગ કરવામાં આવી હતી. દલીલો બાદ નામદાર કોર્ટે મનોજ વર્માના 5 દિવસના રિમાન્ડ મંજૂર કર્યા છે. હવે રિમાન્ડ દરમિયાન તેની પૂછપરછ કરવામાં આવશે.

સપ્લાય ચેઇનની વધુ કડીઓ શોધાશે

આરોપીના રિમાન્ડ દરમિયાન લઠ્ઠાકાંડની સપ્લાય ચેઇન અંગે વધુ માહિતી મેળવવામાં આવી શકે છે. ગેરકાયદે દારૂનો જથ્થો ક્યાંથી આવ્યો, કોના મારફતે સપ્લાય થયો અને નેટવર્કમાં અન્ય કોણ સંકળાયેલું છે તે સહિતના મુદ્દે તપાસ આગળ વધારવામાં આવશે.

આ પણ વાંચોઃ Jamnagar: બ્રાન્ડેડ બોટલ જોઈને પોલીસને પણ શંકા ગઈ... પછી જે મળ્યું તે હતું ચોંકાવનારું!