Bhavnagar Latthakand Update: તપાસમાં મોટો ખુલાસો, કોન્સ્ટેબલે આરોપી ગૌતમ સોલંકીને કર્યા હતા 100 જેટલા કોલ

Bhavnagar Latthakand માં પોલીસ કોન્સ્ટેબલની સંડોવણીને લઈને તપાસનો ધમધમાટ

SMC (સ્ટેટ મોનિટરિંગ સેલ) દ્વારા રિમાન્ડ દરમિયાન બુટલેગરો સાથેની તેની સાંઠગાંઠ અને આ સમગ્ર કૌભાંડમાં તેની ચોક્કસ ભૂમિકા શું રહી છે તે અંગે ઊંડાણપૂર્વક પૂછપરછ હાથ ધરવામાં આવી રહી છે. ખાસ કરીને, આ કોન્સ્ટેબલ અગાઉ એસપી ઘનશ્યામ ગૌતમની સ્કોડમાં ફરજ બજાવતો હોવાનું સામે આવ્યું છે.

કોલ ડિટેઈલ રેકોર્ડની તપાસમાં મોટો ખુલાસો

તપાસ દરમિયાન રાજદીપસિંહના CDR (કોલ ડિટેઈલ રેકોર્ડ) ની તપાસ કરવામાં આવતા ચોંકાવનારી વિગતો બહાર આવી છે. તેણે લઠાકાંડના મુખ્ય આરોપી ગૌતમ સોલંકી સાથે આશરે 100 જેટલા કોલ કર્યા હોવાનું સામે આવ્યું છે.

કોન્સ્ટેબલની પૂછપરછથી ખુલશે અનેક રહસ્યો

આમ આ ચકચારી લઠાકાંડ કેસમાં આગામી દિવસોમાં સ્ટેટ મોનિટરિંગ સેલ (SMC) ની કસ્ટડીમાં રહેલા પોલીસ કોન્સ્ટેબલ રાજદીપસિંહની કડક પૂછપરછ દરમિયાન બુટલેગરો સાથેના તેના નેટવર્ક અને આ કૌભાંડમાં સંડોવાયેલા અન્ય મોટા માથાના નામ પણ બહાર આવે તેવી પ્રબળ સંભાવના છે, જેની સાથે જ આ ગંભીર કેસમાં હજુ પણ કેટલાક નવા ખુલાસા થતાં પોલીસ વિભાગમાં મોટા પગલાં લેવાઈ શકે છે.

આ પણ વાંચો:  Tarun Chugh in Gujarat: ગુજરાત ભાજપના પ્રભારી તરુણ ચૂગ ગુજરાત પ્રવાસે, અમદાવાદ એરપોર્ટ પર ભવ્ય સ્વાગત