Bhavnagar: પાલીતાણા શેત્રુંજય પર્વત પર ફરી સિંહ દેખાયો, વીડિયો વાયરલ

Bhavnagar: રસ્તો ઓળંગતા વનરાજ કેમેરામાં કેદ

વાયરલ થયેલા વીડિયોમાં જોઈ શકાય છે કે સિંહ ખૂબ જ શાંતિથી પર્વત પરનો રસ્તો ઓળંગી રહ્યો છે. ડુંગર પરના પથરાળ રસ્તાઓ વચ્ચે સિંહની આ લટાર જોઈને કુદરત પ્રેમીઓમાં આનંદ જોવા મળી રહ્યો છે. સામાન્ય રીતે સિંહ ગીર વિસ્તારમાં જોવા મળે છે, પરંતુ છેલ્લા કેટલાક સમયથી પાલીતાણાના શેત્રુંજય પર્વતમાળાના જંગલ વિસ્તારમાં સિંહોએ પોતાનું કાયમી રહેઠાણ બનાવ્યું હોય તેવું લાગી રહ્યું છે.

Palitana : શેત્રુંજય પર્વત પર ફરી એક વખત સિંહ દેખાયો | Gujarat First

પાલીતાણા શેત્રુંજય પર્વત પર ફરી એક વખત સિંહ દેખાયો
ડુંગર પર રસ્તો ઓળંગતા સિંહને યાત્રિએ કેમેરામાં કર્યો કેદ
શેત્રુંજય પર્વત પર અવાર નવાર જોવા મળે છે સિંહ
વન વિભાગ દ્વારા પણ ડુંગર પર સતત રખાઈ રહી છે દેખરેખ… pic.twitter.com/8oRBGMtud4

— Gujarat First (@GujaratFirst) March 31, 2026

વન વિભાગની સતત દેખરેખ અને સુરક્ષા

યાત્રિકોની સુરક્ષા અને સિંહોના સંરક્ષણ માટે વન વિભાગ દ્વારા પર્વત પર સતત પેટ્રોલિંગ (Patrolling) કરવામાં આવી રહ્યું છે. વન કર્મચારીઓ દ્વારા ડુંગર પર આધુનિક ટેકનોલોજી અને ટ્રેકર્સની મદદથી સિંહોની હિલચાલ પર બાજ નજર રાખવામાં આવી રહી છે.

યાત્રિકો માટે સાવચેતીની સૂચના

પાલીતાણા એ લાખો લોકોની આસ્થાનું કેન્દ્ર છે. સિંહની હાજરીને પગલે તંત્ર દ્વારા યાત્રિકોને વહેલી સવારે અથવા મોડી સાંજે એકલા અવરજવર ન કરવા અને નિર્ધારિત રસ્તાઓ પર જ રહેવા સૂચના આપવામાં આવી છે. સિંહ ડુંગર પર હોવા છતાં અત્યાર સુધી કોઈ અપ્રિય ઘટના બની નથી, જે માનવ અને વન્યજીવના સહઅસ્તિત્વનું ઉત્તમ ઉદાહરણ પૂરું પાડે છે.

આ પણ વાંચોઃ Bhavnagar: અમરેલી-ભાવનગર હાઇવે પર 2 સિંહના મોત બાદ વધુ એક સિંહ દેખાયો