Bhavnagar Rath Yatra: ભાવનગરમાં ભગવાન જગન્નાથજીની 41મી રથયાત્રાની તૈયારીઓનો ધમધમાટ શરૂ

અમદાવાદ બાદ ભાવનગરની રથયાત્રા બીજા ક્રમે

ગુજરાતમાં અમદાવાદ બાદ ભાવનગરની રથયાત્રા બીજા ક્રમની સૌથી મોટી રથયાત્રા માનવામાં આવે છે. આ પવિત્ર પ્રસંગે ભગવાન જગન્નાથજી, બહેન સુભદ્રા અને ભાઈ બલરામજીના દર્શન કરવા માટે લાખોની સંખ્યામાં ભાવિક ભક્તો ઉમટી પડે છે. ભાવનગરની આ રથયાત્રાની વિશેષતા એ છે કે તે શહેરના મુખ્ય માર્ગો પરથી પસાર થઈને લગભગ 17 કિલોમીટર (17 KM) ની લાંબી મુસાફરી પૂર્ણ કરે છે.

ચાર દાયકાથી ભાવનગરમાં રથયાત્રાનું આયોજન

છેલ્લા ચાર દાયકાથી ભાવનગરમાં રથયાત્રાનું આયોજન કરવામાં આવી રહ્યું છે. આ પરંપરા અવિરત અને ભવ્ય રીતે આગળ વધતી રહે તે માટે ઉપસ્થિત સંતોએ આશીર્વાદ પાઠવ્યા હતા. કાર્યક્રમ દરમિયાન મોટી સંખ્યામાં ભક્તો અને આયોજક સમિતિના સભ્યો ઉપસ્થિત રહ્યા હતા.

રાજકીય ક્ષેત્રના અનેક અગ્રણીઓ ઉપસ્થિત રહ્યા

આ ભવ્ય પ્રસંગે રાજકીય ક્ષેત્રના અનેક અગ્રણીઓ પણ વિશેષ ઉપસ્થિત રહ્યા હતા. જેમાં ગુજરાતના કૃષિ મંત્રી (Agriculture Minister) જીતુભાઈ વાઘાણી, કાનૂન મંત્રી કૌશિકભાઈ વેકરિયા, સ્થાનિક ધારાસભ્ય સેજલબેન પંડ્યા અને પૂર્વ સાંસદ રાજુભાઈ રાણા સહિતના મહાનુભાવોએ હાજરી આપીને રથયાત્રાના સુચારુ આયોજન માટે શુભેચ્છા પાઠવી હતી. શહેરના નાગરિકોમાં પણ ભગવાન જગન્નાથજીની રથયાત્રાને લઈને ભારે ઉત્સાહ જોવા મળી રહ્યો છે.

આ પણ વાંચોઃ Jagannath Rath Yatra 2026 : ભક્તિ, પરંપરા અને આસ્થાનો મહાપર્વ, જાણો રથયાત્રાનું મહત્વ અને ત્રણેય દિવ્ય રથોની વિશેષતા