Bhavnagar Accident: મહુવા હાઈવે પર ઇનોવા કાર પલટી, પછી જે મળ્યું તે જોઈ પોલીસ ચોકી!

કારના ફૂરચે ફૂરચા ઉડી ગયા

પ્રાપ્ત વિગતો મુજબ ઇનોવા કાર (GJ 06 LE-0510) પૂરપાટ ઝડપે પસાર થઈ રહી હતી, ત્યારે અચાનક ચાલકે કાબૂ ગુમાવતા કાર નેશનલ હાઈવે પરથી ફંગોળાઈને દૂર આવેલી વાડીમાં જઈને પલટી મારી ગઈ હતી. અકસ્માત એટલો જોરદાર હતો કે કારના ફૂરચે ફૂરચા ઉડી ગયા હતા. આજુબાજુના લોકો અને પોલીસને જાણ થતા તપાસ શરૂ કરવામાં આવી હતી. તપાસ દરમિયાન ગાડીમાંથી વિદેશી દારૂ અને બિયરની બોટલોનો મોટો જથ્થો મળી આવ્યો હતો.

2  લાખથી વધુનો મુદ્દામાલ જપ્ત

આ ઘટના અંગે મહુવા ગ્રામ્ય પોલીસ (Mahuva Rural Police) તાત્કાલિક ઘટનાસ્થળે પહોંચી હતી. પોલીસે સ્થળ પરથી દારૂનો આશરે ₹78,000 નો જથ્થો અને અકસ્માતગ્રસ્ત ઈનોવા કાર મળીને કુલ ₹2,78,000 નો મુદ્દામાલ કબજે કર્યો છે. હાલમાં આ સમગ્ર મામલે મહુવા ગ્રામ્ય પોલીસ સ્ટેશન (Police Station) દ્વારા ગુનો નોંધીને કાયદેસરની કાર્યવાહી હાથ ધરવામાં આવી છે અને કાર ચાલક તથા અન્ય આરોપીઓની શોધખોળ આદરી છે.

આ પણ વાંચોઃ Bhavnagar News: જર્જરિત ઇમારતોને નોટિસ આપતી મહુવા પાલિકાની જ બિલ્ડીંગ જોખમી!

આ પણ વાંચોઃ Vadodara Accident: વાઘોડિયાના દખેડા ગામ પાસે ડમ્પરની નીચે બાઈક આવી ગયું, દંપતીનું ઘટનાસ્થળે જ મોત