Bhavnagar News: Free Fire ગેમમાં દોસ્તી પડી ભારે, મહુવાની કિશોરીનું અપહરણ, જાણો પોલીસે ક્યાંથી શોધી?

ફરિયાદ બાદ પોલીસ એક્શન મોડમાં

કિશોરીના રહસ્યમય સંજોગોમાં ગુમ થયા બાદ, ચિંતાતુર બનેલા વાલીઓએ તાત્કાલિક સ્થાનિક પોલીસ સ્ટેશનનો સંપર્ક સાધ્યો હતો અને દીકરી ગુમ થઈ હોવાની 20 મેના રોજ ફરિયાદ નોંધાવી હતી. ફરિયાદના આધારે મહુવા પોલીસે તાત્કાલિક ટેકનિકલ સોર્સિસ અને સાયબર સેલની મદદથી તપાસના ચક્રો ગતિમાન કર્યા હતા. પ્રાથમિક તપાસમાં સામે આવ્યું હતું કે કિશોરી ઇન્સ્ટાગ્રામ અને ફાયર ફોક્સ જેવા પ્લેટફોર્મ પર ઓનલાઈન ગેમ રમતી વખતે સોનીપતના કિશોર સાથે સંપર્કમાં હતી અને તે કિશોર જ તેનું અપહરણ કરીને લઈ ગયો છે. લોકેશન ટ્રેસ થતાં જ પોલીસની એક વિશેષ ટીમ તાત્કાલિક હરિયાણાના સોનીપત મુકામે રવાના થઈ હતી. પોલીસે ત્વરિત કાર્યવાહી કરીને સોનીપતથી કિશોરની ધરપકડ કરી લીધી છે અને સગીરાને મુક્ત કરાવી તેને મહુવા પરત લાવવામાં આવી છે.

બાળકોની પ્રવૃત્તિઓ પર નજર રાખવી અનિવાર્ય

આ ઘટનાએ વાલીઓ માટે અનેક ગંભીર સવાલો ઉભા કર્યા છે. ટેકનોલોજીના આ સમયમાં બાળકો મોબાઈલ સ્ક્રીન પર શું જોઈ રહ્યા છે અને કોની સાથે વાત કરી રહ્યા છે, તેની દરકાર રાખવી હવે અનિવાર્ય બની ગઈ છે. વર્ચ્યુઅલ દુનિયાના મિત્રો વાસ્તવિક જીવનમાં કેટલા ખતરનાક સાબિત થઈ શકે છે, તે આ કિસ્સા પરથી સ્પષ્ટ થાય છે. હાલમાં મહુવા પોલીસે આ મામલે કાયદેસરની કડક કાર્યવાહી હાથ ધરી છે અને પકડાયેલા સગીર વયના કિશોર વિરુદ્ધ અપહરણનો ગુનો નોંધી આગળની પૂછપરછ શરૂ કરી છે.

 આ પણ વાંચોઃ સિરોહીના ગિરવર ગામે યુવકના શંકાસ્પદ મોત બાદ ભારે હંગામો, આખું ગામ આરોપીના ઘર પર તૂટી પડ્યું!