Bhavnagar News: જર્જરિત ઇમારતોને નોટિસ આપતી મહુવા પાલિકાની જ બિલ્ડીંગ જોખમી!

નગરપાલિકાની બિલ્ડિંગ જ જર્જરિત

જોકે, આ નોટિસ સામે શહેરમાં અનેક સવાલો ઉભા થયા છે. એક તરફ પાલિકા નાગરિકોને સલામતીના પાઠ ભણાવી રહી છે, તો બીજી તરફ ખુદ મહુવા નગરપાલિકાનું મુખ્ય કાર્યાલય જ હાલમાં અત્યંત જર્જરિત અવસ્થામાં જોવા મળી રહ્યું છે. પાલિકાના આ બિલ્ડિંગમાં ઠેકઠેકાણે સ્લેબમાંથી સળિયા સ્પષ્ટપણે બહાર દેખાઈ રહ્યા છે, જે ગંભીર દુર્ઘટનાને આમંત્રણ આપી રહ્યા છે. વધુ આશ્ચર્યની વાત એ છે કે, જે પાલિકા તંત્ર અન્ય ઇમારતોને ફાયર સેફ્ટી (Fire Safety) બાબતે કડક નોટિસ ફટકારે છે, તે પાલિકાના પોતાના બિલ્ડિંગમાં જ ફાયર સેફ્ટીની પ્રાથમિક વ્યવસ્થાઓનો અભાવ જોવા મળ્યો છે.

ચીફ ઓફિસરના ગોળ-ગોળ જવાબ

આ ગંભીર બેદરકારી અને તંત્રના બેવડા ધોરણો અંગે જ્યારે સ્થાનિકો અને મીડિયા દ્વારા ચીફ ઓફિસર (Chief Officer) ને પ્રશ્નો પૂછવામાં આવ્યા, ત્યારે તેઓ સંતોષકારક જવાબ આપવાને બદલે ગોળ-ગોળ જવાબ આપતા નજરે પડ્યા હતા. એક જવાબદાર અધિકારીની આવી ઉદાસીનતાને કારણે નગરજનોમાં ભારે રોષ જોવા મળી રહ્યો છે. લોકોનું કહેવું છે કે, પહેલા પાલિકાએ પોતાની સુરક્ષા અને વ્યવસ્થા સુનિશ્ચિત કરવી જોઈએ, ત્યારબાદ જ સામાન્ય નાગરિકો પર કાયદાનો દંડો ચલાવવો જોઈએ.

આ પણ વાંચોઃ Bhavnagar Rath Yatra: ભાવનગરમાં ભગવાન જગન્નાથજીની 41મી રથયાત્રાની તૈયારીઓનો ધમધમાટ શરૂ