Bhavnagar Rain : શેત્રુંજી ડેમમાં પાણીની ધરખમ આવક, ડેમના તમામ 59 દરવાજા ખોલાયા, જુઓ Video

શેત્રુંજી ડેમના 59 દરવાજા ખોલાયા

મળતી વિગતો અનુસાર ડેમના તમામ 59 દરવાજાઓને દોઢ ફૂટ સુધી ખોલવામાં આવ્યા છે, જેથી ડેમમાંથી પાણીનો નિકાલ વ્યવસ્થિત રીતે થઈ શકે. આ અગાઉ ગઈકાલે, એટલે કે 6 જુલાઈના રોજ ડેમના 20 દરવાજા ખોલવામાં આવ્યા હતા, પરંતુ ઉપરવાસમાં સતત પડી રહેલા વરસાદ અને પાણીના વધતા જળસ્તરને કારણે તંત્રએ બાકીના દરવાજા પણ ખોલવાની ફરજ પડી હતી. ડેમમાંથી હાલ 9,440 ક્યુસેક જેટલું પાણી છોડવામાં આવી રહ્યું છે, જેના કારણે ડેમની નીચેવાસમાં વહેતી નદીઓના સ્તરમાં વધારો થવાની શક્યતા છે.

 

View this post on Instagram

 

A post shared by Gujarat First (@gujaratfirst)

સ્થાનિકોને નદી પટ પર ન જવા અપીલ

ઉપરવાસમાં વરસાદનું પ્રમાણ યથાવત રહેતા ડેમમાં પાણીની સતત આવક ચાલુ છે. તંત્ર દ્વારા આ સ્થિતિ પર સતત નજર રાખવામાં આવી રહી છે અને નીચાણવાળા વિસ્તારોમાં રહેતા લોકોને સાવચેત રહેવા માટેની સૂચનાઓ પણ આપવામાં આવી શકે છે. શેત્રુંજી ડેમના દરવાજા ખુલતા જ ડેમના સુંદર દ્રશ્યો જોવા માટે લોકો પણ આકર્ષાયા છે, પરંતુ સુરક્ષાના ભાગરૂપે લોકોને નદીના પટમાં ન જવા માટે અપીલ કરવામાં આવી છે. હાલમાં ડેમ પ્રશાસન જળસ્તર જાળવી રાખવા માટે તમામ સુરક્ષાના માપદંડોનું પાલન કરી રહ્યું છે અને સતત મોનિટરિંગ કરવામાં આવી રહ્યું છે.

આ પણ વાંચો : Surat Rain : મેઘરાજાની ધમાકેદાર બેટિંગ, અનેક વિસ્તારોમાં પાણી ભરાતા વાહનચાલકો પરેશાન