Bhavnagar: વૃદ્ધાની હત્યા કરનાર હુમલાખોરને પોલીસે પકડ્યો, વાંચો સમગ્ર ઘટના

• Bhavnagar ના સિહોરમાં વૃદ્ધા રામુબેનની કુહાડી મારી હત્યા કરાઈ
• આરોપી ભુપતે (Bhupat) વૃદ્ધા પર 5 થી 6 ઘા ઝીંક્યા
• સારવાર દરમિયાન રામુબેનનું મોત થયું

Bhavnagar Murder Case: ભાવનગર જિલ્લાના સિહોર (Sihor) શહેરમાં આવેલી રૂખડાવાળી શેરી (Rukhadawali Street) માં એક હૃદયદ્રાવક અને ક્રૂર ઘટના પ્રકાશમાં આવી છે. એક અસહાય અને દૃષ્ટિહીન 85 વર્ષીય વૃદ્ધ મહિલા, રામુબેન (Ramuben), પર કોઈ પણ કારણ વગર કુહાડી વડે જીવલેણ હુમલો કરવામાં આવ્યો હતો. બે દિવસની ગંભીર સારવાર બાદ હોસ્પિટલમાં તેમનું નિધન થતા આ સમગ્ર મામલો હવે હત્યાના ગુનામાં પરિવર્તિત થયો છે.

 Bhavnagar Murder Case: હુમલાખોરની ક્રૂરતા

પ્રાપ્ત માહિતી અનુસાર, બે દિવસ પહેલા આરોપી ભુપત (Bhupat) અચાનક રામુબેન (Ramuben) ના ઘરમાં ધસી ગયો હતો. રામુબેન વયસ્ક હોવાની સાથે જોઈ શકતા નહોતા અને હલનચલન કરવામાં પણ અક્ષમ હતા. આરોપીએ કોઈ પણ ઉશ્કેરણી વગર તેમના માથાના ભાગે કુહાડી (Axe) ના પાંચથી છ ઘા ઝીંકી દીધા હતા. વૃદ્ધા લોહીલુહાણ હાલતમાં ઢળી પડ્યા હતા. આ હિંસક દ્રશ્ય જોઈ આસપાસમાં ચીસાચીસ મચી ગઈ હતી.

  Bhavnagar Murder Case: બચાવવા આવેલા પાડોશી પર પણ હુમલો

જ્યારે રામુબેન પર હુમલો થઈ રહ્યો હતો, ત્યારે તેમને બચાવવા માટે પાડોશમાં રહેતા કુમારભાઈ (Kumarbhai) નામના વ્યક્તિ દોડી આવ્યા હતા. જોકે, હુમલાખોર ભુપત (Bhupat) એટલો ઉશ્કેરાયેલો હતો કે તેણે કુમારભાઈ પર પણ કુહાડી વડે હુમલો કરી તેમને માથાના ભાગે ગંભીર ઈજાઓ પહોંચાડી હતી. આ હિંસક હુમલાને કારણે સમગ્ર વિસ્તારમાં ભય અને ફફડાટનો માહોલ વ્યાપી ગયો હતો.

સારવાર દરમિયાન કરુણ મોત

બંને ઇજાગ્રસ્તોને તાત્કાલિક સારવાર અર્થે ભાવનગર (Bhavnagar) ની સરકારી હોસ્પિટલ ખાતે ખસેડવામાં આવ્યા હતા. મૃતકના પુત્ર વિક્રમભાઈ (Vikrambhai) એ અત્યંત દુઃખ સાથે જણાવ્યું કે, "બાને ખૂબ જ નિર્દયતાથી માર મારવામાં આવ્યો હતો, કુહાડીના 5 થી 6 ઘા માર્યા હતા. સારવારના બે દિવસ બાદ તેમણે અંતિમ શ્વાસ લીધા છે." પાડોશીઓના જણાવ્યા મુજબ, 85 વર્ષિય રામુબેન અત્યંત નિર્દોષ હતા, તેઓ જોઈ પણ શકતાં ન હતો. જેથી ઉંમરને કારણે તેઓ પ્રતિકાર કરવાની સ્થિતિમાં પણ નહોતા.

મૃતકનો  પુત્ર

પોલીસ કાર્યવાહી

ઘટનાની જાણ થતા જ સિહોર પોલીસ (Sihor Police) કાફલો ઘટનાસ્થળે પહોંચી ગયો હતો. પોલીસે ત્વરિત કાર્યવાહી કરી આરોપી ભુપત (Bhupat) ને ઝડપી પાડ્યો હતો. શરૂઆતમાં આ કેસમાં હત્યાની કોશિશ (Attempt to Murder) નો ગુનો નોંધાયો હતો, પરંતુ હવે રામુબેનનું અવસાન થતા પોલીસે ભારતીય ન્યાય સંહિતાની કલમ 302 (Murder - હત્યા) નો ઉમેરો કરવાની તજવીજ હાથ ધરી છે. હાલ આરોપીને ભાવનગર જિલ્લા જેલ (Bhavnagar District Jail) ખાતે મોકલી આપવામાં આવ્યો છે. જો કે આ વૃધ્ધાની હત્યા પાછળ હજુ સુધી સાચુ કારણ બહાર આવ્યું નથી.

આ પણ વાંચોઃ Bhavnagar ને મળી મોટી ભેટ, DyCM હર્ષભાઈ સંઘવીની ઉપસ્થિતમાં 50 ઈ-બસોનું લોકાર્પણ

આ પણ વાંચોઃ Kheda: મહિલાને હોટલમાં LC લેવા બોલાવનાર નડિયાદના આચાર્યની ધરપકડ! જાણો સમગ્ર ઘટના