Bhavnagar News: ભાવનગરના રાજપરામાં અંતિમવિધિના મુદ્દે વિવાદ, વાલ્મિકી સમાજની દફનવિધિ અટકાવતા સર્જાયો તણાવ

શું છે સમગ્ર મામલો?

પરિવારજનો જ્યારે મૃતદેહ લઈને દફનવિધિ માટે પહોંચ્યા, ત્યારે રાણાભાઈ બચુભાઈ કુવાડિયા નામના વ્યક્તિએ તે જમીન પોતાની માલિકીની હોવાનો દાવો કરીને દફનવિધિ કરતા રોક્યા હતા. આ વિવાદને કારણે મૃતદેહ લાંબા સમય સુધી રઝળતી હાલતમાં રહ્યો હતો. બીજી તરફ, વાલ્મિકી સમાજના લોકોનું કહેવું છે કે તેઓ વર્ષોથી આ જગ્યાએ પરંપરાગત રીતે દફનવિધિ કરે છે.

તંત્રની દરમિયાનગીરી બાદ મામલો થાળે પડ્યો

સવારના 11 વાગ્યે લાવવામાં આવેલા મૃતદેહની અંતિમવિધિ મોડે સુધી ન થતા વાતાવરણ તંગ બન્યું હતું. આ ઘટનાની જાણ થતા જ રાજપરા ગામના સરપંચ, તાલુકા વિકાસ અધિકારી (TDO) અને સિહોર પોલીસનો કાફલો તાત્કાલિક ઘટનાસ્થળે દોડી આવ્યો હતો. વહીવટી તંત્ર અને પોલીસની મધ્યસ્થી બાદ બંને પક્ષો સાથે ચર્ચા કરવામાં આવી હતી, ત્યારબાદ વિવાદ શાંત થતા અંતે વિજયભાઈ વાઘેલાની દફનવિધિ સંપન્ન થઈ હતી.

આ સમગ્ર મામલે દલિત અધિકાર મંચના માવજીભાઈ સરવૈયા અને સરપંચ ગોવિંદભાઈ આહિરે સ્થિતિનું નિરીક્ષણ કરી મામલો થાળે પાડવામાં સહયોગ આપ્યો હતો.

આ પણ વાંચો: Sabarkantha News: ખનીજ માફિયાઓએ બેફામ ડમ્પર ચલાવી લોકોના જીવ જોખમમાં મુક્યા, અધિકારીઓએ ફિલ્મી રીતે કર્યો પીછો