Bhavnagar toxic liquor tragedy: મુખ્ય સૂત્રધાર ગૌતમ સોલંકી અને રઈસ અંસારી સહિત 14 આરોપીઓને જેલમાં મોકલાયા

Bhavnagar  લઠ્ઠાકાંડના આરોપીઓ જેલ હવાલે

ઝડપાયેલા આ 14 આરોપીઓમાં લઠ્ઠાકાંડના મુખ્ય સૂત્રધાર ગૌતમ સોલંકી તેમજ રઈસ અંસારી જેવા મુખ્ય માથાઓ પણ સામેલ છે. એસએમસીની ટીમ દ્વારા આ તમામ આરોપીઓને અગાઉ કોર્ટમાં રજૂ કરીને 10 દિવસના રિમાન્ડ મેળવવામાં આવ્યા હતા, જે દરમિયાન તેમની પાસે લઠ્ઠાકાંડના નેટવર્ક અને દેશી દારૂના સ્રોત અંગે ઊંડાણપૂર્વક પૂછપરછ કરવામાં આવી હતી.

14 મુખ્ય આરોપીઓની ન્યાયિક કસ્ટડી શરૂ

આરોપીઓના રિમાન્ડની મુદત પૂર્ણ થતાં, એસએમસી દ્વારા આજે તમામ 14 આરોપીઓને કડક પોલીસ બંદોબસ્ત સાથે સંબંધિત કોર્ટમાં ફરીથી રજૂ કરવામાં આવ્યા હતા. તપાસ દરમિયાન મહત્ત્વની કડીઓ હાથ લાગી હોવાનું મનાઈ રહ્યું છે, જેને લઈને આશરે 10 દિવસના રિમાન્ડ પૂરા થતાં એસએમસી દ્વારા આરોપીઓના વધુ (ફર્ધર) રિમાન્ડની માંગણી કરવામાં આવી નહોતી. ત્યારબાદ કોર્ટ દ્વારા તમામ 14 આરોપીઓને ન્યાયિક કસ્ટડી હેઠળ જેલ હવાલે કરવાનો હુકમ કરવામાં આવ્યો છે, જેથી આ પ્રકરણમાં હવે આગળની ન્યાયિક પ્રક્રિયા વેગ પકડશે.

આ પણ વાંચો: Jamnagar Accident: જામનગર નજીક ગમખ્વાર અકસ્માત,રિક્ષા અને કાર વચ્ચેની ટક્કરમાં 3 ના મોત,10 ઇજાગ્રસ્ત