Bhavnagar Rain : જગતના તાતની મહેનત માથે પડી! કમોસમી વરસાદે ભાવનગરના કેરી પકવતા ખેડૂતોની કમર તોડી

Bhavnagar Rain : કેરીના પાકને વ્યાપક નુકસાન

ભારે પવન (Strong Winds) ફૂંકાવાને કારણે આંબા પરથી કેરીઓ ખરી પડી છે, જેનાથી ગુણવત્તા અને ઉત્પાદન બંને પર માઠી અસર પડશે. ભાવનગર પંથકની પ્રખ્યાત કેસર કેરીના બગીચાઓમાં અત્યારે નુકસાનના દ્રશ્યો જોવા મળી રહ્યા છે. ખેડૂતોની વર્ષભરની મહેનત પર પાણી ફરી વળતા બાગાયતદારો ચિંતાતૂર (Anxious Farmers) બન્યા છે.

તૈયાર પાક પણ પલળ્યા

માત્ર બાગાયતી પાક જ નહીં, પરંતુ ખેતરમાં ઉભેલા જુવાર (Sorghum) અને બાજરી (Pearl Millet) જેવા ઉનાળુ પાકને (Summer Crops) પણ ભારે નુકસાન થયું છે. તૈયાર પાક લણણીના સમયે જ પલળી જતાં ખેડૂતોને આર્થિક ફટકો પડ્યો છે. સ્થાનિક ખેડૂતોની માગ છે કે સરકાર (Gujarat Government) તાત્કાલિક ધોરણે નુકસાનીનો સર્વે (Damage Survey) કરાવીને યોગ્ય વળતર અથવા સહાય જાહેર કરે.

છેલ્લા 24 કલાકમાં 121 તાલુકામાં વરસાદ

ગુજરાતના વાતાવરણમાં આવેલા અચાનક પલટાને કારણે રાજ્યમાં છેલ્લા 24 કલાક દરમિયાન વ્યાપક કમોસમી વરસાદ (Unseasonal Rain) નોંધાયો છે. રાજ્યના અંદાજે 121 જેટલા તાલુકાઓમાં ગાજવીજ અને તેજ પવન સાથે માવઠું પડ્યું છે, જેના કારણે ખેતીવાડી અને જનજીવન પર માઠી અસર પડી છે. હવામાન વિભાગની આગાહી વચ્ચે અમરેલીના બગસરામાં સૌથી વધુ પોણા બે ઇંચ જેટલો વરસાદ ખાબક્યો છે, જ્યારે સૌરાષ્ટ્રના અન્ય વિસ્તારોમાં પણ મેઘરાજાએ ધમાકેદાર એન્ટ્રી કરી છે.

આ પણ વાંચો : Ahmedabad Rain : વાસણા APMCમાં બટાકા-ડુંગળીના જથ્થા પલળ્યા, વેપારીઓ અને ખેડૂતો બેહાલ