Bhavnagar: ભાવનગર ભાજપ બક્ષીપંચ મોરચાના પ્રમુખ તરીકે વરણી થાય તે પહેલા જ યુવા નેતાનું નિધન

ભાવનગર (Bhavnagar) ભાજપ બક્ષીપંચ મોરચાના પ્રમુખનું અકાળ મોત

ભાવનગર શહેર ભાજપ સંગઠનની લાંબા સમયથી ચાલી રહેલી રાહનો અંત આવ્યો અને 10 મહિના બાદ સંગઠનના હોદ્દેદારોની સત્તાવાર જાહેરાત કરવામાં આવી હતી. આ સંગઠનમાં 8 ઉપપ્રમુખ, 3 મહામંત્રી, 8 મંત્રી અને કોષાધ્યક્ષ સહિત કુલ 24 હોદ્દેદારોના નામ જાહેર કરવામાં આવ્યા હતા. આ યાદીમાં કુંભારવાડા વોર્ડના સક્રિય અને ઉત્સાહી યુવા કાર્યકર ભાવેશભાઈ અશોકભાઈ રબારીને શહેર ભાજપ બક્ષીપંચ મોરચાના પ્રમુખ તરીકેની મહત્વની જવાબદારી સોંપવામાં આવી હતી.

Advertisement

ભાવેશભાઈને ચક્કર આવતા જાહેરાત પહેલાં જ ઢળી પડ્યા

જોકે, કુદરતને કંઈક જુદું જ મંજૂર હતું. સંગઠનમાં તેમના નામની સત્તાવાર જાહેરાત થાય તે પૂર્વે જ સાંજના સમયે ભાવેશભાઈને અચાનક ચક્કર આવતા તેઓ ઢળી પડ્યા હતા. તેમને તાત્કાલિક સારવાર અર્થે હોસ્પિટલ ખસેડવામાં આવ્યા હતા, પરંતુ ટૂંકી સારવાર દરમિયાન જ તેમનું કરુણ મોત નિપજ્યું હતું.

કાર્યકરોમાં ભારે અરેરાટી

એક તરફ ભાવેશભાઈના સમર્થકો અને પરિવારમાં તેમની નવી નિમણૂકને લઈને ખુશીનો માહોલ સર્જાવાનો હતો, ત્યાં બીજી તરફ તેમના મોતના સમાચાર વહેતા થતાં સમગ્ર કુંભારવાડા વિસ્તાર અને ભાજપ સંગઠનમાં ભારે અરેરાટી વ્યાપી ગઈ છે. એક નિષ્ઠાવાન અને ઉગતા યુવા નેતાને ગુમાવતા સ્થાનિક રાજકારણમાં પણ મોટી ખોટ પડી છે.

આ પણ વાંચો:  Surat: બેંગકોક ફ્લાઈટની સીટ નીચેથી મળ્યો રુ, 8 કરોડનો હાઈડ્રોપોનિક ગાંજો, 4 તસ્કર ઝડપાયા