Bhavnagar : વાઘાવાડી રોડ પર બાઈક ચાલકે 2 સગી બહેનને લીધી અડફેટે, એકનું મોત
- Bhavnagar : વાઘાવાડી રોડ પર હિટ એન્ડ રનની ઘટના
- બાઈકચાલકે 2 બહેનોને લીધી અડફેટે
- હિટ એન્ડ રનની ઘટનામાં એકનું મોત
Bhavnagar : ગુજરાતમાં અવારનવાર અકસ્માતની ઘટનાઓ સામે આવી રહી છે. પૂર ઝડપે આવતા વાહનની અડફેટે આવતા અનેક પરિવારોએ પોતાના વ્હાલસોયા ગુમાવવાનો વારો આવ્યો છે. ત્યારે ભાવનગરમાં ફરી એક વખત ગમખ્વાર અકસ્માત સર્જાયો છે. ભાવનગરના વાઘાવાડી રોડ પર ફરી એક વખત હિટ એન્ડ રન જેવી ગંભીર ઘટના સામે આવતા ચકચારી મચી હતી. મળતી માહિતી અનુસાર સેન્ટ્રલ સોલ્ટ સામે રોંગ સાઈડમાં પુરપાટ ઝડપે બાઈક ચલાવતા એક વ્યક્તિએ બે સગી બહેનોને અડફેટે લીધી હતી.
બાઈકચાલકે 2 બહેનોને લીધી અડફેટે(Bhavnagar)
ભાવનગરમાં (Bhavnagar)સર્જાયેલા અકસ્માતમાં એક યુવતીનું ઘટના સ્થળે મોત નિપજ્યું હતું. ત્યારે અન્ય યુવતી ગંભીર રીતે ઈજાગ્રસ્ત થતા તાત્કાલિક ધોરણે સ્થાનિકોએ 108 બોલાવી સારવાર અર્થે ખસેડવામાં આવી હતી. હાલમાં જાનવી નામની યુવતીની હાલત વધારે ગંભીર હોવાથી તાત્કાલિક ધોરણે ICUમાં સારવાર હેઠળ રાખવામાં આવી છે.
હિટ એન્ડ રનની ઘટનામાં એકનું મોત
ઉલ્લેખનીય છે કે વાઘાવડી રોડ પર રોંગ સાઈડ પરથી આવતા ઝીણાભાઈ વાઘેલા નામના વ્યક્તિએ અકસ્માત સર્જ્યો હતો. જેમાં 2 લોકોને અડફેટે લીધા હતા. જેમાં એક યુવતીનું મોત થયુ છે. જ્યારે અન્ય યુવતીને સારવાર અર્થે ખસેડવામાં આવી છે. પરંતુ આ રોડ પર વારંવાર અકસ્માત થતા તંત્રની કામગીરી સામે પણ અનેક સવાલો ઉભા થયા છે.
આ પણ વાંચો: Pollution and Fog: પહેલા લખનૌ મેચ રદ કરવામાં આવી હતી, હવે દિલ્હી-NCR ગાઢ ધુમ્મસથી ઢંકાયુ