મોરારીબાપુએ સ્મિતના પિતા સાથે કરી વાત
મોરારીબાપુએ કેપ્ટન સ્મિત મચ્છારના પિતા સાથે પણ ટેલિફોનિક વાતચીત કરી હતી. આ દરમિયાન તેમણે સ્મિતના સ્વાસ્થ્ય અંગે માહિતી મેળવી હતી અને તેઓ ઝડપથી પોતાનું સ્વાસ્થ્ય પુનઃ પ્રાપ્ત કરે તેવી પ્રાર્થના કરી હતી. મોરારીબાપુએ સ્મિતના સાહસ અને ફરજ પ્રત્યેની નિષ્ઠાને બિરદાવી તેમના પરિવાર પ્રત્યે પણ સંવેદના અને શુભકામનાઓ વ્યક્ત કરી હતી.
180 લોકોના જીવ બચાવ્યા
કેપ્ટન સ્મિત મચ્છારની બહાદુરીની દેશ-વિદેશમાં ચર્ચા થઈ રહી છે. મળતી માહિતી મુજબ, મુશ્કેલ પરિસ્થિતિ વચ્ચે તેમણે પોતાની સુરક્ષાની ચિંતા કર્યા વગર વિમાનમાં સવાર મુસાફરોના જીવ બચાવવા પ્રયાસ કર્યો હતો. 180 લોકોના જીવ બચાવવા પોતાની જાતને હોડમાં મૂકનાર સ્મિતના સાહસને વિવિધ ક્ષેત્રના લોકો સલામ કરી રહ્યા છે.
રાજભા ગઢવીએ પણ કર્યા વખાણ
લોકસાહિત્યકાર રાજભા ગઢવી (Rajbha Gadhvi) એ પણ કેપ્ટન સ્મિત મચ્છારની બહાદુરીના વખાણ કર્યા છે. તેમણે જણાવ્યું કે સ્મિતે પોતાના જીવની ચિંતા કર્યા વગર લોકોના જીવ બચાવ્યા. રાજભા ગઢવીએ આ ઘટનાને લઈને કહ્યું કે, એક આતંકવાદી અને એક રાક્ષસને કામયાબ થવા દીધો નહીં. તેમણે સ્મિતની હિંમતને દેશ માટે ગૌરવની વાત ગણાવી છે.
હનુમાન ચાલીસાના પઠનનો પણ ઉલ્લેખ
રાજભા ગઢવીએ કેપ્ટન સ્મિત મચ્છારના આધ્યાત્મિક જોડાણનો ઉલ્લેખ કરતાં જણાવ્યું કે તેઓ હનુમાન ચાલીસાનું પઠન કરતા હતા. તેમણે સ્મિતની આસ્થાની સાથે તેમની બહાદુરીને પણ સલામ કરી હતી. એક તરફ કથાકાર મોરારીબાપુએ સ્મિતના શૌર્ય અને ધૈર્યને વંદન કર્યું છે, તો બીજી તરફ રાજભા ગઢવીએ પણ તેમની હિંમતને બિરદાવી છે.
સ્મિત માટે સ્વાસ્થ્યની પ્રાર્થના
કેપ્ટન સ્મિત મચ્છારની બહાદુરીની ચર્ચા વચ્ચે તેમના સ્વાસ્થ્યને લઈને પણ શુભેચ્છાઓનો સિલસિલો ચાલી રહ્યો છે. મોરારીબાપુએ સ્મિત ઝડપથી સ્વસ્થ થાય તેવી પ્રાર્થના કરી છે. પરિવાર અને દેશવાસીઓ માટે આ કપરા સમય વચ્ચે સ્મિતની હિંમત અને ફરજ પ્રત્યેની નિષ્ઠા પ્રેરણારૂપ બની રહી છે.
આ પણ વાંચોઃ પાયલટ Smit Machchhar ને ગુજરાત સરકાર આપશે એવોર્ડ, લોહીલુહાણ હાલતમાં પણ 174 જીવ બચાવ્યા
