Bhavnagar માં ગમખ્વાર અકસ્માત, ટ્રક અને ટુ-વ્હીલરની અથડામણમાં નાની બાળકીનું મોત

• ભાવનગરમાં (Bhavnagar) અકસ્માતમાં નાની બાળકીનું મોત
• સીદસરથી શાંતિલાલ શાહ કોલેજ વચ્ચે અકસ્માત
• ટ્રક અને ટુ-વ્હીલર વચ્ચે અકસ્માતમાં બાળકીનું મોત
• પોલીસે ઘટનાસ્થળે પહોંચી કાર્યવાહી હાથ ધરી

ભાવનગર (Bhavnagar) શહેરના સીદસરથી શાંતિલાલ શાહ એન્જિનિયરિંગ કોલેજ વચ્ચેના માર્ગ પર ધડાકેભેર અકસ્માત સર્જાયો હતો. ટ્રક અને ટુ-વ્હીલર વચ્ચેની જોરદાર ટક્કરમાં એક નાની બાળકીનું ઘટનાસ્થળે જ કરુણ મોત નીપજ્યું હતું.

Bhavnagar માં અકસ્માતમાં નાની બાળકીનું મોત

મળતી માહિતી અનુસાર, સરતાનપુર ગામના રહેવાસી એક પરિવાર માતા-પિતા અને તેમની નાની દીકરી ક્રિષ્ના સાથે ટુ-વ્હીલર પર દાદાના ઘરેથી પરત ફરી રહ્યા હતા. આ દરમિયાન ટ્રકે તેમના વાહનને અડફેટે લીધું હતું. આ અ કસ્માત એટલો ભયાનક હતો કે નાની ક્રિષ્નાનું ઘટનાસ્થળે જ મોત થઈ ગયું. માતા-પિતા પણ ગંભીર રીતે ઘવાયા હતા.

પોલીસે ઘટનાસ્થળે પહોંચી કાર્યવાહી હાથ ધરી

અકસ્માતના અવાજ સાંભળીને આસપાસના લોકોના ટોળા એકઠા થઈ ગયા હતા. તાત્કાલિક 108 એમ્બ્યુલન્સને જાણ કરવામાં આવી હતી. 108ની ટીમ ઘટનાસ્થળે પહોંચીને ઘાયલ માતા-પિતાને તાત્કાલિક સારવાર માટે નજીકની હોસ્પિટલમાં ખસેડ્યા હતા. બાળકીના મૃતદેહને પોસ્ટમોર્ટમ માટે મોકલી આપવામાં આવ્યો છે.ઘટનાની જાણ થતાં જ હોસ્પિટલ પોલીસ ચોકીના સ્ટાફે ઘટનાસ્થળે પહોંચીને પંચનામું તૈયાર કર્યું હતું અને આગળની કાયદેસરની કાર્યવાહી હાથ ધરી છે. પોલીસે ટ્રક ડ્રાઇવર સામે બેદરકારીથી વાહન ચલાવવા અને અકસ્માત સર્જવા બદલ ગુનો નોંધીને વધુ તપાસ શરૂ કરી છે.

 પરિવારમાં શોકનું મોજું ફરી વળ્યું

આ કરુણ ઘટનાથી પરિવારમાં શોકનું મોજું ફરી વળ્યું છે. ભાવનગરમાં અવારનવાર સર્જાતા માર્ગ અકસ્માતોને લઈને લોકોમાં રોષ પણ વ્યક્ત થઈ રહ્યો છે.

આ પણ વાંચો: World Meditation Day 2025: શ્રી શ્રી રવિશંકરજીના નેતૃત્વમાં વિશ્વનું સૌથી મોટું સામૂહિક ધ્યાન,150 દેશોના 12.1 લાખ લોકોએ લીધો ભાગ