ભાવનગરના ઈવા કોમ્પ્લેક્સમાં આવેલી ઈકોનો બ્રોકિંગ ઓફિસ પર સેબી દ્વારા મોટા દરોડા પાડવામાં આવ્યા છે. વર્ષ 2023ના 1500 કરોડના SMS સ્ટોક ટીપ કૌભાંડ સાથે સંકળાયેલા આ કેસમાં છેલ્લા 7 કલાકથી સઘન તપાસ ચાલી રહી છે.
SEBI raid in Bhavnagar: ગુજરાતના નાણાકીય અને વેપારી કેન્દ્ર ગણાતા ભાવનગર (Bhavnagar] શહેરમાંથી એક મોટા સમાચાર સામે આવ્યા છે. શહેરના પ્રખ્યાત ઈવા કોમ્પ્લેક્સ (Eva Complex] માં આવેલી ઈકોનો બ્રોકિંગ (Econo Broking] ની ઓફિસ પર સેબી (SEBI - Securities and Exchange Board of India] દ્વારા ઓચિંતા દરોડા (SEBI Raid] પાડવામાં આવ્યા છે. પ્રાપ્ત માહિતી અનુસાર, વર્ષ 2023ના ચકચારી 1500 કરોડ રૂપિયાના SMS સ્ટોક ટીપ કૌભાંડ (SMS Stock Tip Scam] સાથે આ રેડનું સીધું કનેક્શન હોવાની પ્રબળ આશંકા વ્યક્ત કરવામાં આવી રહી છે.
સાત કલાકથી ઓફિસમાં સઘન તપાસ
છેલ્લા સાત કલાકથી વધુ સમયથી સેબીના અધિકારીઓની ટીમ દ્વારા ઓફિસમાં સઘન તપાસ (Intensive Investigation] અને દસ્તાવેજોની ચકાસણી ચાલી રહી છે. આ સમગ્ર કૌભાંડનો મુખ્ય માસ્ટરમાઈન્ડ ગણાતો હનીફ શેખ (Hanif Shaikh] લાંબા સમયથી સેબી અને તપાસ એજન્સિના રડાર પર હતો. સૂત્રોના જણાવ્યા અનુસાર, ગેરકાયદે રીતે સ્ટોક માર્કેટની ટિપ્સ આપીને રોકાણકારો સાથે કરોડો રૂપિયાની છેતરપિંડી આચરવામાં આવી હતી, જેના પુરાવા એકત્ર કરવા માટે આ કાર્યવાહી હાથ ધરવામાં આવી છે.
Bhavnagar: બ્રોકર્સ અને વેપારીઓમાં ભારે ફફડાટ
ઈવા કોમ્પ્લેક્સમાં અચાનક સેબીની ટીમ ત્રાટકતા સ્થાનિક બ્રોકર્સ અને વેપારીઓમાં ભારે ફફડાટ ફેલાઈ ગયો છે. ઓફિસની અંદર બહારથી કોઈને પણ આવવા-જવાની મનાઈ ફરમાવી દેવામાં આવી છે અને તમામ બેંક ખાતાઓ તેમજ ડિજિટલ ડેટાની ક્રોસ-વેરિફિકેશન પ્રક્રિયા ચાલી રહી છે. આ હાઈ-પ્રોફાઈલ તપાસ પૂર્ણ થયા બાદ શેરબજારના કૌભાંડોને લઈને કેટલાક મોટા ખુલાસા થવાની પૂરી સંભાવના છે.
આ પણ વાંચો: કેવડિયામાં ઐતિહાસિક ફેરફાર: 2018 પછી પહેલીવાર સવારના બદલે સાંજે યોજાશે રાષ્ટ્રીય એકતા પરેડ
